માં એક એવો શબ્દ છે, જે ખૂબ નાનો છે. પરંતુ હકીકતમાં આ દુનિયામાં સૌથી મોટો શબ્દ છે. માં ફક્ત એક શબ્દ અથવા સંબંધ નથી. પરંતુ એક પૂર્ણ-સંપૂર્ણ અહેસાસ છે. એક માં પોતાના બાળકો માટે શું ના કરી શકે તે વાતનો તમે અંદાજ પણ નહીં લગાવી શકો.
એક માં પોતાના બાળક માટે અનમોલ રક્ષા છે
સોશિયલ મીડિયામાં ઝડપથી થયો વીડિયો વાયરલ
મરઘીએ પોતાના બચ્ચાને વરસાદથી બચાવી
મરઘીએ પોતાના બચ્ચાને વરસાદમાં પલળતા બચાવી
આજકાલ સોશિયલ મીડિયામાં એક વીડિયો ઝડપથી વાયરલ થઇ રહ્યો છે, જેમાં એક માં પોતાના બાળકોને વરસાદથી બચાવી રહી છે. વાયરલ થયેલો આ વીડિયો મરઘીનો છે. જે પોતાના બચ્ચાને વરસાદથી બચાવી રહી છે. આ વીડિયો જોઈ ખૂબ ભાવુક અને લાગણીશીલ થઇ જવાશે. વીડિયોમાં તમે જોઈ શકો છો કે વરસાદ પડી રહ્યો છે અને મરઘી આ વરસાદમાં પલળી રહી છે, પરંતુ તે પોતાના બચ્ચાને પોતાની પાંખોની નીચે રાખીને તેને વરસાદથી બચાવી રહી છે. આ અબોલ જીવ પોતે તો પલળી રહી છે, પરંતુ પોતાના બચ્ચાને બચાવી રહી છે.
આઈએએસ અધિકારીએ ટ્વિટર પર કર્યો શેર
અંદાજે 6 સેકન્ડનો આ વીડિયો જોવામાં ભલે નાનો હોય. પરંતુ એક માતાનુ સમર્પણ અને પ્રેમને દર્શાવવા માટે પૂરતો છે. આઈએએસ અધિકારી ડૉ. એમ.વી.રાવે આ વીડિયોને પોતાના ટ્વિટર એકાઉન્ટ પર શેર કર્યો છે અને કેપ્શનમાં લખ્યું છે, પ્રાઈસલેસ પ્રોટેક્શન એટલેકે અનમોલ સંરક્ષણ. હૃદયને સ્પર્શી જાય તેવા વીડિયોને અત્યાર સુધી 9 હજારથી વધુ વ્યુઝ મળ્યાં છે. જ્યારે અસંખ્ય લોકોએ વીડિયોને લાઈક પણ કર્યો છે.