વાયરલ વીડિયો / VIDEO : ખોટું કરો એટલે મોં છુપાવવું જ પડે ! જામીન મળતા જેકલીન આવી રીતે કોર્ટ બહાર નીકળી

• 200 કરોડના મની લોન્ડરિંગ કેસમાં  જેકલીન ફર્નાન્ડીઝને મળ્યાં જામીન 
• કોર્ટમાંથી વકીલોના કપડાં પહેરીને મોં છુપાવીને નીકળી બહાર 
• કોઈ ઓળખી ન જાય તેટલો આવો વેશ ધારણ કર્યો 

મુંબઈની સેસન્સ કોર્ટે બોલિવુડ અભિનેત્રી જેકલીન ફર્નાન્ડીઝે રાહત આપીને તેને વચગાળાના જામીન પર મુક્ત કરી છે. આ દરમિયાન તેના કોર્ટમાંથી બહાર નીકળવાનો એક વીડિયો સામે આવ્યો છે. પોતાને કોઈ ઓળખી ન જાય એટલે જેકલીને એક યુક્તિ વાપરી હતી. વાયરલ થયેલા વીડિયોમાં જોઈ શકાય છે કે જેકલીન વકીલો અને સિક્યુરીટી મેનના ટોળા વચ્ચે ઘેરાયેલી છે અને તે વકીલોના કપડાં પહેરીને મોં પર માસ્ક લગાવીને બહાર જતી રહેલી દેખાય છે. પોતાને કોઈ ન ઓળખે એટલે જેકલીને આવું કર્યું હતું. 

#WATCH | Actor Jacqueline Fernandez leaves from Delhi's Patiala House Court after the court granted interim bail to her on a bail bond of Rs 50,000, in connection with the Rs 200 crore money laundering case pic.twitter.com/3MgPaRnPlV

— ANI (@ANI) September 26, 2022

સુકેશ ચંદ્રશેખર સાથે સંબંધિત કેસમાં જેકલીનને મળ્યાં જામીન 

દિલ્હીની એક કોર્ટે કથિત કોનમેન સુકેશ ચંદ્રશેખર સાથે જોડાયેલા 200 કરોડ રૂપિયાના મની લોન્ડ્રિંગ કેસમાં જેકલીનને વચગાળાના જામીન આપ્યા હતા. આ પહેલા 31 ઓગસ્ટના રોજ જજ પ્રવીણ સિંહે એન્ફોર્સમેન્ટ ડિરેક્ટોરેટ દ્વારા દાખલ કરવામાં આવેલી પૂરક ચાર્જશીટની નોંધ લીધી હતી અને ફર્નાન્ડિઝને કોર્ટમાં હાજર થવા જણાવ્યું હતું. એન્ફોર્સમેન્ટ ડિરેક્ટોરેટ (ઇડી) એ આ કેસમાં તેની તપાસના સંદર્ભમાં ફર્નાન્ડિઝને પૂછપરછ માટે ઘણી વખત સમન્સ પાઠવ્યું હતું. પૂરક ચાર્જશીટમાં પ્રથમ વખત તેનું નામ આરોપી તરીકે લેવામાં આવ્યું છે.

જેકલીન અને નોરાને સુકેશ ચંદ્રશેખર તરફથી મોંઘી ભેટ મળી હતી 
ઈડીની પહેલી ચાર્જશીટ અને પૂરક ચાર્જશીટમાં આરોપી તરીકે તેમનો ઉલ્લેખ કરવામાં આવ્યો નથી, જો કે દસ્તાવેજોમાં ફર્નાન્ડિસ અને અભિનેત્રી નોરા ફતેહીના નિવેદનોની વિગતોનો ઉલ્લેખ કરવામાં આવ્યો છે. ઇડીના જણાવ્યા અનુસાર ચંદ્રશેખર પાસેથી લક્ઝરી કાર અને અન્ય મોંઘી ભેટોની રસીદના સંદર્ભમાં ફર્નાન્ડિસ અને ફતેહીની પૂછપરછ કરવામાં આવી હતી.