અજીબોગરીબ કોમ્બિનેશન વાળી આ મેગીની રેસિપીને ટ્વીટર પર શેર કરવામાં આવી છે. જેનો જોઈને સોશિયલ મીડિયા યુઝર્સમાં રોષ છે.
શખ્સે બનાવી પેસ્ટ્રી મેગી
સોશિયલ મીડિયા પર વીડિયો વાયરલ
ગુસ્સે ભરાયા યુઝર્સ
એવું લાગી રહ્યું છે કે જાણે સ્ટ્રીય વેન્ડર્સ મેગીની પાછળ હાથ ધોઈને પડી ગયા છે. ક્યારેક કેરી સાથે મેગી બનાવીને લોકો સાથે સર્વ કરતા જોવા મળે છે. તો ક્યારેક કોકા કોલામાં. પરંતુ આ વખતે તો આ વેન્ડર્સે હદ જ પાર કરી દીધી. હાલ સોશિયલ મીડિયા પર પેસ્ટ્રી મેગીનો વીડિયો લોકોનું ધ્યાન પોતાની તરફ ખેંચી રહી છે.
સોશિયલ મીડિયા યુઝર્સ થયા ગુસ્સે
આ વીડિયો જોઈને લોકોએ પોતાનું માથુ પકડી લીધુ છે. ઘણા લોકોનું કહેવું તો હવે એવું પણ છે કે હવે દુનિયાનો અંત નજીક છે. એક સમય હતો જ્યારે આપણે મેગીને બે મિનિટમાં બનાવી નાખતા હતા પરંતુ હાલ ફ્યુઝન અને ક્રિએટિવિટીની વચ્ચરમાં મેગીની સાથે જે પ્રકારનો ખેલ થઈ રહ્યો છે. તેનાથી લોકોનો ગુસ્સો સાતમાં આસમાને છે.
વાયરલ થઈ રહેલા આ વીડિયોમાં જોઈ શકાય છે કે કઈ રીતે એક સ્ટ્રીટ વેન્ડર મેગી પર અત્યાચાર કરી રહ્યો છે. વેન્ડર પેસ્ટ્રીથી મેગી બનાવીને લોકોને સર્વ કરી રહ્યો છે. તે સૌથી પહેલા પેનમાં તેલ ગરમ કરે છે ત્યાર બાદ તેમાં ડુંગળી, મરચા નાખીને શેકે છે. પછી પેસ્ટ્રી અને પાણી નાખીને પેસ્ટ બનાવે છે ત્યાર બાદ તેમાં મેગી નાખીને ઉકાળે છે. આ વીડિયોને જોઈને મેગી લવર્સ ગુસ્સામાં છે.
વીડિયો જોઈ યુઝર્સ આપી રહ્યા છે આવી પ્રતિક્રિયા
વીડિયો જોયા બાદ લોકો ભડકી ઉઠ્યા છે. એક યુઝરે કમેન્ટ કરતા લખ્યું, હવે હાર્પિક અને સર્ફથી પણ મેગી બનાવી દો. ત્યાં જ બીજા યુઝરે કમેન્ટ કરતા લખ્યું, આને જોયા બાદ મને ઉલ્ટી જેવી ફિલિંગ આવી રહી છે. ગુસ્સે ભરાયેલા એક અન્ય યુઝર્સે કહ્યું- 'આના કરતા તો સૂર્યવંશમ વાળી ખીર આપી દો'. એક અન્ય યુઝરે કમેન્ટ કરતા લખ્યું છે. દેશમાં કંઈ પણ થઈ શકે છે. મેગીની સાથે અત્યાચાર બંધ કરો. કુલ મળીને પેસ્ટ્રી મેગીએ લોકોને ખૂબ ગુસ્સો અપાવ્યો છે.