નવસારી: ચીખલીના કણભઈ ગામમાં યુવકને સાપ સાથે મસ્તી કરવી ભારે પડી છે. મસ્તી કરી રહેલા યુવકને સાપે દંશ ભર્યો હતો. આ યુવક નશામાં હોય તેવી ચર્ચાઓ ચાલી રહી છે. સાપે દંશ મારતા યુવકને ધરમપુર હોસ્પિટલમાં સારવાર માટે ખસેડાયો હતો.
મહત્વનુ છે કે એનિમલ સેવિંગ ગ્રુપના સભ્યને સર્પદંશનો બીજો બનાવ સામે આવ્યો છે. આ ઘટનાનો વીડિયો સોશિયલ મીડિયામાં વાયરલ થઈ રહ્યો છે.
જો કે આ પ્રકારની ઘટના થોડા સમય અગાઉ પણ સામે આવી હતી. જેમાં વલસાડના ધરમપુરમાં સાપ પકડનારે સાપ સાથે મસ્તી કરવી ભારે પડી હતી. સાપ પકડ્યા બાદ તેની સાથે મજાક કરી હતી જે દરમિયાન સાપ યુવકની આંગળી પર કરડી ગયો હતો.