ગજબ પ્રેમ / VIDEO : 20 વર્ષની છોકરીએ નોકર સાથે કર્યાં લગ્ન, ઈમાનદારીથી મોહી પડી, જાણો જકડી રાખે તેવી સ્ટોરી

• પાકિસ્તાનના પંજાબમાં ગજબની લવસ્ટોરી
• 20 વર્ષની છોકરીએ 25 વર્ષના નોકર સાથે કર્યાં લગ્ન 
• નોકરીની ઈમાનદારીથી મોહી પડી છોકરી
• છોકરો છોકરીના ઘેર ભેંસો ચરાવવાનું કામ કરતો હતો 

પાકિસ્તાનના પંજાબ પ્રાંતમાં આજકાલ 20 વર્ષની મુસ્કાન અને 25 વર્ષના યુવાન આમિરના લગ્નની જોરદાર ચર્ચા ચાલી રહી છે. લગ્ન પહેલા બન્યું જ એવું કે ચર્ચા કરવી જ પડે. હકીકતમાં મુસ્કાને તેના ઘેર રહીને ભેંસો ચારતા 25 વર્ષના યુવાન આમીરની ઈમાનદારીથી એટલી બધી મોહિત થઈ કે તેણે મુસ્કાનને જીવનસાથી બનાવી લેવાનો નિર્ણય લીધો અને તેની સાથે લગ્ન પણ કરી લીધા. 

આમીર મુસ્કાનના ઘરની ભેંસો ચરાવવાનું કામ કરતો  
મુસ્કાનનું કહેવું છે કે તેના બોયફ્રેન્ડની ઇમાનદારીનો કોઇ જોટો જડે તેવો નથી.  છોકરીના પરિવારે આ નોકરને પોતાની ભેંસોની દેખભાળ માટે રાખ્યો હતો. હવે તે તેમના જમાઇ છે. યુવતીએ પોતે આ વાતનો ખુલાસો યુટ્યુબ ચેનલ પર કર્યો હતો. આ વીડિયો હવે વાયરલ થઇ રહ્યો છે. 

યુટ્યુબ પર વીડિયો થયો વાયરલ 
મુસ્કાને યૂટ્યૂબ પર જણાવ્યું કે તેના પરિવાર પાસે ચાર ભેંસ છે. અમે તેમની વધુ સારી સંભાળ રાખવા માટે એક નોકરની શોધમાં હતા. આ દરમિયાન કોઇએ આમિરનું નામ લઇને કહ્યું કે તે ઇમાનદાર છે અને તેનું કામ પણ સારું છે. એ પછી આમિરને ભેંસો સંભાળવાનું કામ સોંપવામાં આવ્યું હતું. ધીરે ધીરે ખબર પડી ગઇ કે આમિર ખૂબ જ ઇમાનદાર છે. કારણ કે તે ક્યારેય કામ અને અન્ય વસ્તુઓમાં હેરાફેરી કરતો નથી.