સાવધાન / ડેટિંગ એપ વાપરનાર ચેતે ! રાજકોટના ગે યુવાન સાથે બની હચમચાવી મૂકતી ઘટના, જાણો શું બન્યું

• રાજકોટમાં સમલૈંગિક સંબંધ બાંધવા યુવકને પડ્યા ભારે
• યુવાને એપ્લિકેશનના માધ્યમથી સાધ્યો હતો સંપર્ક 
• અર્ધનગ્ન હાલતમાં કેટલાક યુવાનોએ ઉતાર્યો વીડિયો

રાજકોટ શહેરમાં એક ચોંકાવનારો અજીબો ગરીબ કિસ્સો સામે આવ્યો છે. ઓનલાઇન એપ્લિકેશનના માધ્યમથી સમલૈંગિક સંબંધ બાંધવા માટે સંપર્ક સાધતા યુવાન ટ્રેપમાં ફસાયો હોવાની ઘટના સામે આવી છે. યુવાનનો અર્ધનગ્ન હાલતમાં વીડિયો બનાવી વાયરલ કરવાની ધમકી આપી રૂપિયા 20 હજાર માંગ્યા હતા.સમગ્ર મામલે યુનિવર્સિટી પોલીસ દ્વારા ગણતરીની કલાકોમાં ચાર આરોપીઓની ધરપકડ કરવામાં આવી છે.

શું છે સમગ્ર બનાવ?
ઇન્ટરનેટના માધ્યમથી આજે લોકો એકબીજાની વધુ નજીક આવ્યા છે. ત્યારે હાલ જુદા જુદા પ્લેસ્ટોરમાં ડે સાઈટ્સ ને લઇ અઢળક એપ્લિકેશનો જોવા મળે છે. ત્યારે રાજકોટમાં રહેતા એક યુવાનને ગુગલ પ્લે સ્ટોરમાંથી બ્લુડ નામની એપ્લિકેશન ડાઉનલોડ કરવી ભારે પડી હોવાનું સામે આવ્યું છે. યુવાને પોલીસને આપેલી ફરિયાદમાં જણાવ્યું છે કે, હું કોલેજમાં અભ્યાસ કરું છું મેં ત્રણ દિવસ પૂર્વે ઓનલાઇન બ્લુડ ગે ડેટિંગ એન્ડ વિડિયો જેટ નામની એપ્લિકેશન ડાઉનલોડ કરી હતી. આ એપ્લિકેશન મારફતે સમલેંગિક સંબંધોમાં રસ ધરાવતા લોકોનું ગ્રુપ છે. જેમાં હું જોડાયો હતો. 

પાકીટમાં હતા એટલા રૂપિયા પડાવી લીધા
વધુમાં પીડિત યુવકે કહ્યું કે ગત શનિવારના રોજ હું જ્યારે મારા ઘરે હતો. ત્યારે એપ્લિકેશનમાં અજાણ્યા વ્યક્તિનો હાઈ કરીને મેસેજ આવ્યો હતો. મેં તે વ્યક્તિને રીપ્લાય આપતાં તેણે મારી ઉંમર પૂછ્યું હતું જેમાં મેં જણાવ્યું હતું કે હું 21 વર્ષનો છું. ત્યારબાદ તેણે મને રૂબરૂ મળવા માટે કે.કે.વી chowk ખાતે બોલાવ્યો હતો જ્યાં હું બાઈક લઈને બપોરે ત્રણ વાગ્યે ઉભો હતો. આ દરમિયાન એક અજાણી વ્યક્તિ પણ ત્યાં ઊભો હતો ત્યારબાદ તેને મને તેના રૂમ પર જવા કહ્યું હતું. અમે તેના રૂમમાં ગયા હતા ત્યારબાદ ત્રણ જેટલા શખ્સો અચાનક ત્યાં ધસી આવ્યા હતા. ઘસી આવેલા શકશે અને છરી બતાવી કહ્યું હતું કે તારા પાકીટમાં જેટલા પણ રૂપિયા હોય તે આપી દે નહીંતર તને જાનથી મારી નાખીશું. ડરના માર્યા મેં તેને મારી પાસે રહેલ રોકડ રૂપિયા સાથેનો પર તેમ જ મારો મોબાઈલ આપી દીધો હતો તેમ જ મારા બાઈક ની ચાવી પણ તે શખ્સોએ લઈ લીધી હતી. 

શખ્સોએ અર્ધનગ્ન વીડિયો ઉતારી વાયરલ કરવાની ધમકી આપી
ત્યારબાદ મને તે શખ્સોએ કપડા કઢાવી બોલ આવ્યું હતું કે હવે પછી હું આવું નહીં કરું મને માફ કરી દો. તેમજ મને જણાવ્યું હતું કે જો તું અમને પૈસા નહીં આપે તો અમે આ વીડિયો વાયરલ કરી દઈશું. 

કાકાને હિમંત કરી આપવીતી જણાવી
સમગ્ર મામલે યુવાને પોતાના કાકા ને વાત કરી હતી. ત્યારબાદ તેના કાકા બનાવની જગ્યાએ પહોંચ્યા હતા પરંતુ ત્યાં તાળું જોવા મળ્યું હતું. બાદમાં પીડીત અને તેના કાકા પોલીસ સ્ટેશને પહોંચ્યા હતા અને સમગ્ર પોતાની સાથે બનેલી આપવીતી જણાવી હતી. પોલીસ દ્વારા છટકું ગોઠવી તમામ આરોપીઓને ગણતરીની જ કલાકમાં ઝડપી પાડવામાં આવ્યા છે.

આરોપીઓ પોલીસ પકડમાં
હાલ પોલીસે ભાર્ગવ રાજેશભાઈ ડાભી, અમન સલીમભાઈ કાદરી, સોહિલભાઈ કાદરી અને અફ્રીદભાઈ કાદરી વિરૂદ્ધ આઈપીસીની કલમ 386, 342, 469, 506 (2), 114 તેમજ 135 મુજબ ગુનો નોંધી આગળની કાર્યવાહી હાથ ધરી છે.પોલીસ દ્વારા પકડાયેલા આરોપીઓના રિમાન્ડની માગણી કરવામાં આવશે. તેમજ રિમાન્ડ દરમિયાન આરોપીઓએ અગાઉ અન્ય કોઈ વ્યક્તિને આ પ્રકારે શિકાર બનાવ્યા છે કે કેમ તે અંગે પૂછપરછ કરવામાં આવશે.