સનસનીખેજ / બિહારમાં 16 વર્ષની વિદ્યાર્થિનીને કથિત બોયફ્રેન્ડે સરાજાહેર ગોળી મારી દીધી, પોલીસે કહ્યું-પ્રેમપ્રકરણ હોઇ શકે છે કારણ

• બિહારના પટનામાં ખુલ્લેઆમ છોકરીને ગોળી મરાઇ
• સમગ્ર ઘટના CCTVમાં કેદ થતા વીડિયો વાયરલ
• ઘટના પ્રેમ પ્રકરણની હોવાનું માનવામાં આવી રહ્યું છે

બિહારમાં એકવાર ફરી સરેઆમ ગુનાકીય પ્રવૃત્તિઓ વધતી જોવા મળી રહી છે. ઘટના છે બિહારની રાજધાની પટનાની કે જ્યાં બેઉર પોલીસ સ્ટેશન વિસ્તારમાં એક શાકભાજી વેચનારની દીકરીને ખુલ્લેઆમ ગોળી મારી દેવામાં આવી.

પટનાના ઇન્દ્રપુરી વિસ્તારની 16 વર્ષની વિદ્યાર્થીની જ્યારે કોચિંગમાંથી અભ્યાસ કરીને પોતાના ઘરે પરત ફરી રહી હતી એ જ સમયે આ ઘટનાને અંજામ આપવામાં આવ્યો. વિદ્યાર્થીની જ્યારે કોચિંગમાંથી ઘર તરફ જઇ રહી હતી એ દરમ્યાન એક અજાણ્યા છોકરાએ વિદ્યાર્થીનીના ગળાના ભાગે ગોળી મારી દીધી હતી. બાદમાં તે છોકરીને ખાનગી હોસ્પિટલમાં ભરતી કરવામાં આવી. હાલમાં આ છોકરીની સારવાર ચાલી રહી છે. જો કે આ ઘટના પ્રેમ પ્રકરણની હોવાનું માનવામાં આવી રહ્યું છે.

Bihar| A vegetable vendor’s daughter shot yesterday in Indrapuri locality of Sipara area of ​​Beur PS in Patna. Injured girl who was shot in the neck is undergoing treatment in a private hospital. Matter is being said to be a love affair: Patna Police

(Visuals: CCTV footage) pic.twitter.com/kHbddcU2L1

— ANI (@ANI) August 18, 2022

લોકોએ કહ્યું, બદલાયેલી સરકારની અસર દેખાઇ

આ સાથે જ્યારે મીડિયાએ આ ઘટના અંગેની જાણકારી આપી તો સ્થાનીય લોકોમાં પોલીસના વલણ પ્રત્યે પણ લોકોની નારાજગી જોવા મળી. તેઓનું કહેવું હતું કે, બિહારમાં પહેલા પણ પ્રશાસન અને પોલીસ વ્યવસ્થા નબળી હતી. સરકાર બદલાવાની અસર અહીં સ્પષ્ટ દેખાઇ રહી છે. લોકોનું કહેવું છે કે, સરકાર બદલાતા જ ગુનેગારો બેફામ થઇ ગયા છે અને આવનારા દિવસોમાં પણ આ પ્રકારની ઘટના કદાચ જોવા મળી શકે છે.

આ પહેલાં પણ અનેક ગુનાઓને અંજામ અપાયા છે

તમને જણાવી દઇએ કે, આ અગાઉ ગત 10 ઓગસ્ટના રોજ બિહારમાં એક પત્રકારની ગોળી મારીને હત્યા કરી દેવાઇ હતી. 11 ઓગસ્ટના રોજ વધુ એક પત્રકારની હત્યા કરી દેવાઇ અને બેતિયાના એક પૂજારીની પણ ગળું દબાવીને ક્રૂર રીતે હત્યા કરી દેવાઇ હતી. એ સિવાય બીજી અનેક ઘટનાઓ સામે ઘટી ચૂકી હતી.