બજેટ બગડ્યું / જાયે તો જાયે કહાં! મોંઘવારીએ વધાર્યું ગૃહિણીઓનું ટેન્શન, આ ચીજ-વસ્તુઓના ભાવમાં પણ થયો ભડકો

• મોંઘવારીએ બગાડ્યું ઘરનું બજેટ
• લીલા શાકભાજીનાં ભાવમાં ભડકો
• દેશના અનેક શહેરોમાં ભાવ આસમાને

દેશમાં સતત વધી રહેલા પેટ્રોલ-ડીઝલના ભાવમાં વધારા બાદ હવે શાકભાજીમાં વધતી જતી મોંઘવારીએ સામાન્ય લોકોના ખિસ્સા ઢીલા કરી દીધા છે. મહત્વનું છે કે, ઉનાળાની ઋતુ શરૂ થઈ ગઈ છે અને એવામાં શાકભાજીના ભાવે રસોડાનું બજેટ ખોરવી નાખ્યું છે. અનેક ચીજવસ્તુઓના ભાવ આસમાને આંબી જતા શાકભાજીના ભાવ વધારાથી સામાન્ય માણસની મુશ્કેલીમાં ભારે વધારો થયો છે.

पश्चिम बंगाल: उत्तर 24 परगना के बैरकपुर में पेट्रोल-डीज़ल के दाम बढ़ने से सब्जियों के दाम बढ़ गए हैं।

एक ग्राहक ने बताया, "पेट्रोल-डीज़ल की कीमत बढ़ने की वजह से सभी चीज़ों के दाम बढ़ रहे हैं लेकिन राज्य सरकार और केंद्र सरकार कुछ नहीं कर रही है।" (03.04) pic.twitter.com/JUwJs2mVMP

— ANI_HindiNews (@AHindinews) April 3, 2022

લીલું શાકભાજી થયું મોંઘુ

હાલમાં શાકમાર્કેટમાં લગભગ તમામ લીલા શાકભાજીના ભાવ બમણાથી વધુ થઈ ગયા છે. દુકાનોમાં શાકભાજી પહેલાની જેમ ઢગલારૂપે નથી દેખાતું. દિલ્હીમાં પાલકની કિંમત 40 રૂપિયા પ્રતિ કિલોથી વધુ છે. તો ભિંડા, પરવળ અને દૂધીનાં ભાવમાં ધરખમ વધારો થયો છે. તો બીજી તરફ જો તમે ઉનાળામાં શિકંજી પીવાના શોખીન છો તો જણાવી દઈએ કે, ઘણી જગ્યાએ માત્ર એક લીંબુ 10 રૂપિયામાં મળે છે.

દેશના અનેક શહેરોમાં ભાવ આસમાને

દિલ્હી અને પશ્ચિમ બંગાળ સહિત અનેક રાજ્યોના શાકમાર્કેટમાં શાકભાજીના ભાવ આસમાને પહોંચ્યા છે. જો કે, કેટલીક જગ્યાએ શાકભાજીની આવક ઓછી હોવાનું માનવામાં આવી રહ્યું છે. બજારમાં આવતા લોકોનું કહેવું છે કે, ડોક્ટરો પણ સ્વસ્થ રહેવા માટે લીલા શાકભાજી ખાવાનો આગ્રહ રાખે છે. વધતી જતી કિંમતના કારણે ગૃહિણીઓના રસોડાનું બજેટ પણ બગડ્યું છે.