ગુજરાત સરકારે VCEની નકલ ફીમાં 20ના બદલે 25 રૂપિયા આપવાનો નિર્ણય કરતા VCE નારાજ થયા.
ગુજરાત સરકારે VCEને લઇને કર્યો મહત્વનો નિર્ણય
રાજ્ય સરકારે VCEની નકલ ફીમાં કર્યો 5 રૂપિયાનો વધારો
20ના બદલે 25 રૂપિયા આપવાનો નિર્ણય કરતા VCE નારાજ
ગુજરાત સરકારે VCEને લઇને મહત્વનો નિર્ણય કર્યો. રાજ્ય સરકારે VCEની નકલ ફીમાં 5 રૂપિયાનો વધારો કર્યો છે. એટલે કે, સરકારે નકલ ફીમાં 20ના બદલે 25 રૂપિયા આપવાનો નિર્ણય કર્યો તો કમ્પ્યુટર સાહસિકોને 2 લાખનું ઈન્સ્યોરન્સ અપાશે. પરંતુ સરકારના આ નિર્ણયથી VCE નારાજ છે. VCE ફિક્સ વેતન આપવાની માંગ કરી રહ્યાં છે.
ઉલ્લેખનીય છે કે, ગામડાઓમાં સરકારી કામોમાં પ્રજાને મદદ કરતા 10 હજારથી વધુ વિલેજ કમ્પ્યુટર એન્ટરપ્રેન્યોર (VCE) એટલે કે કોમ્પ્યુટર ઓપરેટર આંદોલન અને વારંવાર હડતાળ શા માટે કરી રહ્યાં છે અને જાણો શું છે તેઓની માંગ?
રાજ્યના તમામ ઇ-ગ્રામ કેન્દ્રમાં VCE કર્મી ફરજ બજાવતા હોય છે. ગુજરાતમાં 10,000થી વધુ VCE(ગ્રામપંચાયત કમ્પ્યૂટર સાહસિક) ગ્રામ પંચાયતોમાં કમિશન આધારિત કામ કરે છે. જેમાં તેઓ મહેસુલ, અન્ન પુરવઠા, પંચાયત, ચૂંટણી સહિતની કામગીરી કરતા હોય છે પરંતુ તેઓને પગારની જગ્યાએ 1 રૂપિયો કમિશન મળતુ હોવાથી તેઓ પગાર સહિતની માગને લઈ હડતાળ અને આંદોલનો કરી રહ્યાં છે. 15 વર્ષ કરતાં વધુ સમયથી સરકારના એક ભાગ તરીકે ગ્રામ પંચાયતોમાં કામ કરતા ગ્રામ્ય કોમ્પ્યુટર સાહસિકોએ સરકારી કર્મચારી અને સરકારી ધોરણે પગાર મેળવવાની માંગ સાથે શુક્રવારે એક દિવસની હડતાળ કરી હતી. સરકાર દ્વારા તેમના પ્રશ્નોના ઉકેલની મૌખિક ખાતરી આપવામાં આવી રહી રહી હોવાના આક્ષેપ સાથે VCE કર્મીઓ વિરોધ કરી રહ્યાં છે. રાજ્યના અંદાજિત 11,000થી વધુ VCE કામગીરીથી અળગા થયા હતા. જેને લઇને ગામડાંઓમાં ખેડૂતલક્ષી રાજ્યસ્તરની વહીવટી કામગીરી ખોરવાઇ હતી. ત્યારે હવે જો સરકાર દ્વારા માંગણીઓનો સ્વીકાર નહીં થાય તો VCE કર્મચારીઓ 5 ઓક્ટોબરે કાળી પટ્ટી ધારણ કરીને કામગીરી કરશે એવું નક્કી કરવામાં આવ્યું છે.
VCE કર્મી શું કામ કરે છે?
રાજ્યની ગ્રામપંચાયતોમાં 10 હજારથી વધુ VCE કર્મી છે
રાજ્યની તમામ ગ્રામ પંચાયતોમાં ઇ-ગ્રામ કેન્દ્રો આવેલા છે
સરકારી કર્મીઓ જેટલું કામ કરીએ છીએ તો તેટલો પગાર મળે
સરકારી લાભો આપી સમાન કામ સમાન વેતનની માગ
VCE કર્મીને કાયમી કરી સરકારી કર્મચારી તરીકે માન્યતા આપવામાં આવે
VCEને રક્ષણ આપવામાં આવે, જોબની સિક્યુરિટી આપવામાં આવે
VCE અને પરિવારને આરોગ્ય સુવિધા આપવામાં આવે, વીમા કવચ આપવામાં આવે
VCEને ક્લાર્ક ક્રમ કોમ્પ્યુટર સાહસિકમાં રૂપાંતર કરી વર્ગ-3 ના દરજ્જા સાથે સરકારી કર્મચારી જાહેર કરો
ઈ-ગ્રામ પોલિસી હટાવી સરકારી પગાર ધોરણ લાગુ કરવામાં આવે
VCEની કામગીરીનો જોબ ચાર્ટ નક્કી કરવામાં આવે
(જેથી શોષણ અને ખોટું અધિકારીઓ દ્વારા થયુ દબાણ અટકાવી શકાય)
VCE કર્મીઓ સાથે થતો ભેદભાવ દૂર કરવામાં આવે
હાલ ગામલોકોને શું તકલીફો પડી રહી છે ?
VCE એવા હોદ્દો છે જેમનું કામ પ્રત્યક્ષ રીતે જનતા સાથે જોડાયેલું હોય છે. એટલે જો આ કર્મચારીઓ તેમની માગોને મનાવવા માટે કામોથી અળગા રહે તો મોટી સંખ્યામાં લોકો પરેશાન થાય જ. ગામડાંઓમાં ખેડૂતોની રાજ્યસ્તરની યોજના સંલગ્ન કામગીરી ખોરવાઈ છે. આવકના દાખલા, રાશનકાર્ડ, આયુષ્માન કાર્ડ, 7-12ના ઉતારા, વિધવા સહાયની એન્ટ્રી, E-શ્રમ કામગીરી Dvs E-નિર્માણની કામગીરી સહિતના કાર્યો ખોરવાયા છે. સરકાર માગણીઓ ઝડપભેર ઉકેલે તેવી વીસીઇએ માગણી ઉઠાવી છે. જો આગામી સમયમાં આ કર્મચારીઓ હડતાળ કરે તો ગ્રામ પંચાયતોમાં ડિજિટલ ગુજરાત માટેની દાખલા સહિતની તમામ કામગીરી થંભી જશે.