પાપારાઝી સેલેબ્સના ફોટોઝ અને વીડિયોઝ લેવા માટે કોઇ તક બાકી રાખતા નથી. આ માટે તેઓ ખૂબ જ મહેનત પણ કરતા હોય છે, જોકે આ વચ્ચે સોશ્યલ મીડિયા પર એક વીડિયો વાયરલ થઇ રહ્યો છે જેમાં બોલિવુડ એક્ટર વરૂણ ધવનની કારનું વ્હીલ એક ફોટોગ્રાફરના પગ પર ચડી ગયુ હતુ.
જી હા, વાસ્તવમાં જ્યારે વરૂણ ધવન પોતાની ગર્લફ્રેન્ડ નતાશાની સાથે કારમાં જઇ રહ્યો હતો, ત્યારે ફોટોગ્રાફર્સ તેમના ફોટોઝ અને વીડિયોઝમાં લઇ રહ્યા છે, એવામાં એક ફોટોગ્રાફરના પગ પર કારનું વ્હીલ ચડી ગયુ. જે પછી તે જોરથી બૂમ પાડે છે કે, ‘’પગ પર કાર ચડાવી દીધી.’’
સોશ્યલ મીડિયા પર વાયરલ થઇ રહેલા આ વીડિયોમાં વરૂણ ધવન અને તેની ગર્લફ્રેન્ડ નતાશા જોવા મળી રહ્યા છે, જે પછી વરૂણ ધવન ફોટોગ્રાફર્સને કહે છે કે, તમે લોકોને ફોટો ક્યારે નથી લેવા દીધો તો આવું કરો છો, રોજ તો આપું છું. આ ઉપરાંત એક્ટરે આવીને ફોટોગ્રાફરની હાલ પણ પૂછ્યો હતો.
ઉલ્લેખનીય છે કે, વરૂણ ધવન પોતાની ગર્લફ્રેન્ડ નતાશા દલાલ સાથે ફિલ્મ મેકર શંશાક ખૈતાનની બર્થડે પાર્ટીમાં ગયો હતો. કહેવાઇ રહ્યુ છે કે, આ વર્ષે કપલ વરૂણ અને નતાશા લગ્ન કરી લેશે.
વર્કફ્રન્ટની વાત કરવામાં આવે તો વરૂણ ધવન કુલી નંબર 1 ની રિમેકમાં જોવા મળશે. આ ફિલ્મમાં તેની સાથે એક્ટ્રેસ સારા અલી ખાન કામ કરી રહી છે. આ ફિલ્મનું ડિરેક્શન ડેવિડ ધવન કરી રહ્યા છે. ફિલ્મના પોસ્ટર્સ સામે આવી ગયા છે જેમાં વરૂણ અને સારાની ફ્રેશ કેમેસ્ટ્રી જોવા મળી રહી છે અને લોકો આ કપલને પસંદ કરી રહ્યા છે. ફિલ્મ મે મહિનામાં રિલીઝ થશે