IPLIN
 

મદદ / પપ્પા રોજ મારે છે.... વરુણ ધવનના એક ટ્વિટથી અમદાવાદ પોલીસ થઈ દોડતી, દીકરીને મળ્યો ન્યાય

Team VTV 03:48 PM, 11 Jun 22
Follow us
varun dhawan helped a fan facing domestic abuse in ahmedabad

બોલિવુડ સ્ટાર્સ પોતાના ફેન્સ સાથે ખૂબ જ સારૂ કનેક્શન રાખતા જોવા મળે છે. એવામાં વરૂણ ધવને પોતાના એક ફેનની મદદ કરીને સારૂ ઉદાહરણ સેટ કર્યું છે. 

  • વરૂણ ધવને કરી ફેનની મદદ 
  • ટ્વીટ કરી પોલીસ પાસે માંગી મદદ 
  • અમદાવાદ પોલીસે તરત લીધુ એક્શન 

બોલિવુડ સ્ટાર વરૂણ ધવને એક ફેનની મદદ કરવાનું વચન આપ્યું હતું અને હવે તેને પુરૂ પણ કર્યું છે. અમદાવાદ પોલીસે વરૂણ ધવનના એક ટ્વીટ બાદ તરત એક્શન લીધુ અને ફેન અને તેની માતા બન્નેની મદદ કરી છે.

હકીકતે વરૂણની એક ફેન યુવતીએ ટ્વીટ કરીને વરૂણને જણાવ્યું હતું કે તેના પિતા તેને અને તેની માતાને દરરોજ અપશબ્દો બોલે છે અને માર મારે છે. ટ્વીટનો રીપ્લાય આપતા વરૂણે યુવતીને આશ્વાસન આપ્યું હતું કે તે આ મામલામાં તેની પુરતી મદદ કરશે અને તેણે ઓથોરિટિસ સાથે વાત કરીને તેના પર એક્શન લેવા માટે રિક્વેસ્ટ કરી હતી.

ફેને ટ્વીટ કરીને સંભળાવી હતી આપવીતી 
ફેને ટ્વીટમાં લખ્યું હતું, "મને મારા પિતા દરરોજ મારે છે અને મારી માતાને રોજ ગાળો આપે છે. તે ઘણા દિવસો સુધી મને ભોજન પણ નથી આપતા. અપશબ્દોનો ઉપયોગ કરીને મને ધમકાવે છે." તેણે પોતાની ટ્વીટમાં એવું પણ લખ્યું હતું કે એક વખતે તેણે પિતા વિરૂદ્ધ ફરિયાદ કરી હતી પરંતુ પોલીસે તેને અમુક કલાકો બાદ છોડી દીધા હતા. 

વરૂણ ધવને કરી મદદની વાત 
ફેનની ટ્વીટ વાંચીને વરૂણે લખ્યું, "આ ખૂબ જ ગંભીર મામલો છે અને આ સત્ય છે તો બું તમારી મદદ કરીશ અને અધિકારીઓ સાથે વાત કરીશ." ફેને તેની ટ્વીટને રિટ્વીટ પણ કર્યુ અને તેમની મદદ માટે ધન્યવાદ પણ કહ્યું. 

અમદાવાદ પોલીસે લીધુ એક્શન 
વરૂણ ધવને આ મામલાને લઈને અમદાવાદ પોલીસ પાસે અને અધિકારીઓ સાથે વાત કરી અને યુવતીની મદદ કરવા માટે અપીલ કરી. જ્યાર બાદ અમદાવાદ પોલીસે એક્શન લઈ આરોપીની ધરપકડ કરી છે. પોલીસે કલમ 107,110 કલમ હેઠળ આરોપી પિતાની ધરપકડ કરી છે. એક્શન બાદ વરૂણ ધવને ટ્વીટ કરીને અમદાવાદ પોલીસનો આભાર માન્યો છે. 

Varun Dhawan domestic abuse Ahmedabad Police વરૂણ ધવન અમદાવાદ પોલીસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ