વારાણસીના જિલ્લા અધિકારી અને એસએસપી સામાન્ય વ્યક્તિ બનીને બજારમાં પહોંચ્યા. આ સમયે તેઓએ થોડો સામાન ખરીદ્યો. અનેક દુકાનદારો નક્કી કિંમત કરતા વધારે કિંમતે સામાન વેચી રહ્યા હતા. આ દુકાનદારોને પોલીસે કસ્ટડીમાં લીધા છે.
પોલીસે સામાન્ય માણસ બનીને કરી ખરીદી
દુકાનદારો વધારે કિંમતે વેચતા હતા સામાન
પોલીસે દુકાનદારોને લીધા કસ્ટડીમાં
ડીએમ અને એસએસપીએ કહ્યું કે આજે ચેતગંજમાં ગલહટ્ટા, મંસારામ ફાયક વિસ્તારમાં સાદા કપડાંમાં પોલીસ ખરીદી કરવા પહોંચી. આ સમયે અનેક દુકાનદારો નક્કી કિંમતો કરતાં વધારે કિંમતે સામાન વેચી રહ્યા હતા. પોલીસે અનેક દુકાનદારોને કસ્ટડીમાં લીધા. હવે તેમની પર કાર્યવાહી કરવામાં આવી રહી છે.
કાર્યવાહી પહેલાં કરાયું રેટ લિસ્ટ ચેકિંગ
વારાણસી જિલ્લા પ્રશાસને કાળા બજારી રોકવા માટે રેટ લિસ્ટ જાહેર કર્યું છે. તેમાં લોટ 31-33 રૂપિયે કિલો, અડદની દાળ 86-92 રૂપિયે કિલો, નારંગી 35-45 રૂપિયે કિલો, રાઈનું તેલ 112-116 રૂપિયે કિલો, ખાંડ 38-40 રૂપિયે કિલો વેચવાનું જાહેર કર્યું છે.
છતાં પણ અનેક જગ્યાએ ઊંચા ભાવે સામાન વેચાતો હચો. પ્રશાનસની તરફથી કાળા બજારી રોકવા માટે અભિયાનની શરૂઆત કરવામાં આવી. ડીએમ- એસએસપી પોતે તપાસમાં ઉતર્યા. ડીએમનું કહેવું છે કે આ અભિયાન સમયાંતરે ચાલતું રહેશે જેથી કાળા બજારીને રોકી શકાય.