વલસાડનાં વાપી ટાઉનની એક હોટલનો એક વીડિયો સામે આવ્યો છે. જેમાં એક વેપારીએ આત્મહત્યા કરી છે. જેનો વીડિયો પણ સોશિયલ મીડિયામાં વાયરલ થયો છે. પરંતુ હજી સુધી વેપારીએ કરેલી આત્મહત્યા પાછળનું કારણ જાણી શકાયું નથી.
આત્મહત્યા કરતા વેપારીનો જીવ તાળવે ને લોકો વીડિયો ઉતારવામાં મસ્ત
એક કલાક બાદ પણ ન ફરકી પોલીસ ને ન ફરકી ફાયર
વાપી (Vapi) માં આવેલી મહારાજા હોટેલમાં એક વેપારી (businessman) એ 5માં માળેથી છલાંગ લગાવી દીધી. વેપારીની મોતની છલાંગનો આ વીડિયો સામે આવ્યો છે. જેમાં વેપારી એક કલાક સુધી હોટેલ પર ઉભો રહ્યો હતો અને ત્યાર બાદ છલાંગ લગાવી દીધી. ત્યારે વેપારીની આત્મહત્યા પાછળનું કારણ હજુ સુધી જાણી શકાયું નથી. જો કે એક કલાક સુધી વેપારી ઉભો રહ્યો હતો ત્યારે આટલા સમયમાં પોલીસ કે ફાયર વિભાગ કોઇ ત્યાં પહોંચ્યું ન હતું.
મહત્વનું છે કે જ્યારે આ ઘટના અંગેની પોલીસને અને ફાયરને જાણ કરવામાં આવી હોવા છતાં પોલીસ કે ફાયરની ટીમ ઘટનાસ્થળે ન હોતી આવી. ત્યારે લોકોની સંવેદનહીનતા પણ સામે આવી હતી. આ ઉપરાંત જ્યારે વેપારી આપઘાત કરવાનો પ્રયાસ કરી રહ્યો હતો ત્યારે લોકો તેનો વીડિયો ઉતારી રહ્યાં હતાં. આ ઘટના વાપી ટાઉન પોલીસ મથક સામે બની છે. ત્યારે વેપારીએ કરેલી આત્મહત્યા પાછળનું કારણ હજી સુધી અકબંધ છે.