વડોદરા / મેયર જીગીશાબેન કાદવમાં ફસાયા, આ છે પ્રિમોનસૂનની કામગીરી?

વડોદરામાં પ્રિમોનસૂન કામગીરી કેટલી નબળી છે તેનો અનુભવ ખૂદ મેયર જિગીશા શેઠને થયો છે. સદસ્યતા અભિયાન માટે ગયેલા મેયરના પગ કાદવમાં ફસાયા હતા. હરિઓમ નગરમાં મેયર જિગીશા શેઠ સદસ્યતા અભિયાન માટે ગયા હતા. 

એવામાં ડ્રેનેજ લાઇનનું કામ ચાલતું હોવાથી રસ્તા પર ભરાયેલા કીચડમાં મેયરનો પગ ફસાયો હતો. જેને લઈને મેયરને પણ ખબર પડી કે શહેરની જનતાને કેટલી હાલાકી ભોગવવી પડે છે. 

આપને જણાવી દઈએ કે ગત વર્ષે પણ ચોમાસામાં મેયરની ગાડી ફસાઇ હતી અને તેમને લોકોની મુશ્કેલીઓનો જીવંત અનુભવ થયો હતો. ત્યારે ફરી એકવાર તેમને પોતાની જ કામગીરીનો પરચો મળ્યો છે.