Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

વડોદરા / MS યુનિવર્સિટી ચૂંટણીનું પરિણામ જાહેરઃ ભાજપ-કોંગ્રેસની વિદ્યાર્થી પાંખનો સફાયો, જાણો કોની થઇ જીત?

MS યુનિવર્સિટી ચૂંટણીનું પરિણામ જાહેરઃ ભાજપ-કોંગ્રેસની વિદ્યાર્થી પાંખનો સફાયો, જાણો કોની થઇ જીત?

MS યુનિવર્સિટીમાં યોજાયેલ વિદ્યાર્થી સંઘની ચૂંટણીના પરિણામોની જાહેરાત થઈ ચુકી છે. જે ચૂંટણીમાં મોટો ઉલટફેર થયો છે. ભાજપની વિદ્યાર્થી પાંખ કહેવાતી ABVPના ઉમેદવારોનો યુનિવર્સિટીમાંથી સફાયો થયો. પરિણામોની જાહેરાત થતાની સાથે જ યુનિવર્સિટીમાં ઉજવણીનો માહોલ પણ જોવા મળ્યો હતો. વિજેતા ઉમેદવારોના સમર્થકોએ ફટાકડા ફોડીને ઉજવણી કરી હતી.

મહત્વની ગણાતી યુનિવર્સીટી જનરલ સેક્રેટરીની બેઠક પર એજીએસજી ગ્રુપના રાકેશ પંજાબીનો, વાઈસ પ્રેસિડન્ટની બેઠક પર હેપ્પી કલબની કક્ષા પટેલનો જ્યારે કોમર્સ ફેકલ્ટીના જનરલ સેક્રેટરી(FGS)ની બેઠક પર એનએસયુઆઈ(NSUI)ના કૃપલ પટેલનો ભવ્ય વિજય થયો છે. કૃપલ પટેલે ABVP અને AGSGના ઉમેદવારને હરાવ્યા છે. રાકેશ પંજાબી યુજીએસ પદે 1000થી વધુ જ્યારે કક્ષા પટેલ 100થી વધુ મતે વિજયી થઈ છે. યુજીએસ અને વીપીની બેઠક પર એજીએસજી અને હેપ્પી કલબનો 100 મતે વિજય થયો છે.

ડભોઇના ધારાસભ્યએ શુભેચ્છા પાઠવી

પરિણામો જાહેર થતા વિજેતા ઉમેદાવારોને શુભેચ્છા પાઠવવા ભાજપના ડભોઈના ધારાસભ્ય શૈલેષ મહેતા આવ્યા હતા. જેમને રાકેશ પંજાબી અને કક્ષા પટેલને જીતના અભિનંદન આપ્યા હતા. જીતેલા ઉમેદવારોએ ફટાકડા ફોડી ઢોલ નગારા વગાડી જીતની ઉજવણી કરી સાથે જ વિજય સરઘસ પણ કાઢ્યું હતું. યુનિવર્સીટીની ચૂંટણીમાં માત્ર 30 ટકા મતદાન થયું. 

NSUI અને ABVPનો સફાયો

મહત્વની વાત છે કે યુનિવર્સીટીની ચૂંટણીમાં એનએસયુઆઈ અને એબીવીપી જેવા રાષ્ટ્રીય વિધાર્થી સંગઠનોનો સફાયો થયો જે ભાજપ અને કોગ્રેસ બંને માટે ચિંતાનો વિષય છે. કારણ કે ભાજપની વિધાર્થી પાંખ એબીવીપી છે જ્યારે કોગ્રેસની વિધાર્થી પાંખ એનએસયુઆઈ છે. ત્યારે આગામી સમયમાં બંને પક્ષોને હાર માટેના કારણો અને હવે પછીના ચૂંટણીમાં કંઈ રીતે જીતાશે તે રણનીતિ બનાવવાની જરૂર છે.
 

જોવા જેવું વધુ જુઓ

બ્રેકિંગ ન્યૂઝ