વડોદરાઃ મનપાના વોર્ડ નં.11ની પેટા ચૂંટણીમાં વિવાદિત સ્ટીકરને કારણે થયો વિવાદ....

વડોદરા મહાનગરપાલિકાના વોર્ડ નંબર 11ની પેટા ચૂંટણી યોજાઈ રહી છે.. 84 મતદાન મથકો પર 68 હજાર મતદારો મતદાન કરવાના છે ત્યારે મતદાન મથકો પર લગાવવામાં આવેલી સુચનાને કારણે આચાર સંહિતા ભંગની ફરિયાદ ઉઠી છે.


મતદાન મથકના દરવાજે એક ઉમેદવારને મત આપો તેવી સુચના કેસરી કલરમાં લગાવવામાં આવતા ખુબ મોટો વિવાદ ઉભો થયો હતો. અને મતદાન મશીનમાં એક નંબરના ઉમેદવાર ભાજપના છે. જેના કારણે વિવાદ ઉભો થયો છે. આ મામલે કોંગ્રેસે ચૂંટણી પંચને ફરિયાદ કરી છે..  

ઉલ્લેખનીય છે કે મતદાન મથક પર લાગેલા વિવાદિત સ્ટીકરોને લઈ આ મામલે કોગ્રેસ કાર્યકરો દ્વારા વિરોધ કરાતા વિવાદીત સ્ટીકરોને હટાવી લેવાયા હતા....