વડોદરા મ્યુનિસિપલ કોર્પોરેશને મોટા પાયે અલગ અલગ હોદ્દા માટે 641 કર્મચારીઓની ભરતી કરવાની જાહેરાત કરી છે.
વડોદરા કોર્પોરેશનમાં 643 પદો માટે ભરતી
મનપા દ્વારા ભરતીની કરાઇ જાહેરાત
28 ફેબ્રુઆરી સુધી ઓનલાઇન અરજી કરી શકાશે
વડોદરા કોર્પોરેશનમાં 643 પદો માટે ભરતીઓ થશે
વડોદરા મ્યુનિસિપલ કોર્પોરેશન દ્વારા કરાનારી ભરતીમાં વોર્ડ ઓફિસરની 4 જગા પર, રેવન્યુ ઓફિસરની 7 જગા પર, સબ સેનેટરી ઇન્સ્પેકટરની 10 જગા પર ભરતી કરાશે. જો કે સૌથી મોટી ભરતી જુનિયર ક્લાર્ક અને મલ્ટિ પરપઝ વર્કરની જગા પર કરાશે. જુનિયર ક્લાર્કની 552 જગા અને મલ્ટી પર્પઝ વર્કરની 68 જગ્યાઓ પર ભરતીની જાહેરાત કરાઈ છે.
આજથી 28 ફેબ્રુઆરી સુધી ઓનલાઇન અરજી કરી શકાશે
કોર્પોરેશને કરેલી જાહેરાત પ્રમાણે 16 ફેબ્રુઆરી થી 28 ફેબ્રુઆરી સુધી ઉમેદવારો ઓનલાઈન અરજી કરી શકશે. ઘણા વર્ષો બાદ વડોદરા મ્યુનિસિપલ કોર્પોરેશને મોટી સંખ્યામાં ભરતીની જાહેરાત કરતાં હજારો ઉમેદવારો અરજી કરે એવી શક્યતા છે.
તલાટી કમ મંત્રીના ફોર્મ ભરવાની મુદ્દતમાં વધારો
ઉલ્લેખનીય છે કે, રાજ્યમાં તલાટી કમ મંત્રીના ફોર્મ ભરવાની તારીખમાં રાજ્ય સરકારે બે દિવસ વધારવાની જાહેરાત કરી છે. 15 ફેબ્રુઆરી ફોર્મ ભરવા માટે છેલ્લી તારીખ હતી પરંતુ હવે ફોર્મ ભરવાની તારીખમાં બે દિવસ એટલે કે વિદ્યાર્થીઓ 17 ફેબ્રુઆરી સુધી ફોર્મ ભરી શકશે. 21 તારીખ સુધી ફી ભરવામાં આવશે.આમ રાજ્યમાં 3437 તલાટીકમ મંત્રીની જગ્યા માટે 22 લાખથી વધુ ઉમેદવારોએ અરજી કરી છે