દારૂબંધી! / સંસ્કારી નગરી વડોદરામાં દારૂની રેલમછેલ, કોણ મહેરબાન છે?

• વડોદરાની ન્યુ અલ્કાપુરીમાં દારૂ મહેફિલનો મામલો
• ઝડપાયેલા નબીરાઓમાં 6 વિદેશમાં કરે છે અભ્યાસ
• 13 યુવતીઓના રિપોર્ટ કરાવ્યા બાદ કરાશે ધરપકડ

વડોદરાની ન્યુ અલ્કાપુરીમાં દારૂ મહેફિલનો મામલે ઝડપાયેલા નબીરાઓમાં 6 વિદેશમાં કરે અભ્યાસ છે. 13 યુવતીઓના રિપોર્ટ કરાવ્યા બાદ તેમની પણ ધરપકડ કરાશે. બંગ્લોમાંથી વોડકા-ટકીલાની મોઘી બોટલો મળી આવી છે. 4 કાર,10 મોઘા મોબાઈલ મળી 27 લાખનો મુદામાલ જપ્ત કર્યો છે. 

ફરીથી એક વખત સંસ્કારી નગરી વડોદરાને દારૂડિયાઓએ લજવી હતી. વડોદરા શહેરમાં વધુ એક દારૂની હાઈપ્રોફાઈલ મહેફિલ ઝડપાઈ હતી. ન્યુ અલકાપુરીના ગ્રીન વુડ્સના બંગલામાં મહેફિલ ઝડપાઈ હતી. રાજ પંજાબી નામના શખ્સના જન્મદિવસની ઉજવણી થઈ રહી હતી 

નબીરો કબીર ફાર્મના માલિકનો પુત્ર હોવાની અફવાઓને વેગ પકડ્યો હતો. ત્યારે મહેફિલમાં કબીર ફાર્મના માલિકનો પુત્ર હાજર ન હોવાની સ્પષ્ટતા સામે આવી હતી. 

કુલ 22 જેટલા નામાંકિત નબીરાઓની ધરપકડ

કુલ 22 જેટલા નામાંકિત નબીરાઓની ધરપકડ કરવામાં આવી છે જેમાં 12 યુવતીઓ અને 10 યુવકોને પોલીસે મહેફિલમાં ઝડપ્યા હતા. 5 કાર અને વિદેશી દારૂની બોટલ પણ પોલીસે કબ્જે કરી છે. માતા-પિતા અને વાલીવારસોએ  ગતરાત્રીથી જ સંતાનોને છોડાવવા ધમપછાડા ચાલુ કરી દીધા હતા. લક્ષ્મીપુરા પોલીસે સમગ્ર મામલે કાર્યવાહી હાથ ધરી હતી. 

વડોદરાના નબીરાઓ

• રાજ ચગ - 22 વર્ષ
• શાલીન શર્મા - 21 વર્ષ 
• માલવેગ પ્રજાપતિ - 22 વર્ષ
• વત્સલ્ય શાહ - 22 વર્ષ 
• રોહિન પટેલ - 21 વર્ષ 
• ધ્રુવીલ પરમાર - 21 વર્ષ 
• આદિત્યા પરમાર - 21 વર્ષ 
• વ્રજકુમાર શેઠ - 21 વર્ષ 
• મારૂક કાદરી - 21 વર્ષ 
• વરૂણ અમીન - 21 વર્ષ