IPLIN
 
  • Home
  • India
  • uttarakhand chief justice slips at devprayag ghat while offering prayers

ઉત્તરાખંડ / આ રીતે થયો ગંગામાં ચીફ જસ્ટિસનો બચાવ, Video Viral

Team VTV 09:14 AM, 01 Mar 20
Follow us
uttarakhand chief justice slips at devprayag ghat while offering prayers

ઉત્તરાખંડના મુખ્ય ન્યાયાધીશ રંગનાથન દેવપ્રયાગમાં પૂજા અર્ચના કરવા પહોંચ્યા હતા. જ્યારે તેઓ ગંગાના કિનારે પહોંચ્યા ત્યારે અચાનક તેમનો પગ લપસી ગયો. જો કે તેમની સાથેના સુરક્ષાકર્મીઓએ તેમને બચાવી લેવામાં સફળતા મેળવી હતી.

  • દેવપ્રયાગ પહોંચ્યા ચીફ જસ્ટિસ રંગનાથન
  • ગંગા કિનારે લપસ્યો પગ
  • સુરક્ષાકર્મીઓએ બચાવ્યા

આ ઘટનાનો વીડિયો થયો વાયરલ

વીડિયોમાં ચીફ જસ્ટિસ બ્લુ શર્ટ અને બ્લેક પેન્ટ પહેરેલા જોવા મળી રહ્યા છે. પહેલા તેઓ થોડી ઉંચાઇએ ઊભા રહે છે. થોડીવાર બાદ તેઓ ગંગા ઘાટ પર લોખંડની સાંકળ પકડીને નીચે ઉતરે છે. આ દરમિયાન તેમની પાછળ બે સુરક્ષાકર્મીઓ આવતા જોવા મળે છે. સામેથી એક શખ્સ ઉભો છે જે હાથમાં મોબાઈલ લઇને મુખ્ય ન્યાયાધીશની ઉપાસના કરતા ફોટો ક્લિક કરે છે.

સુરક્ષાકર્મીઓએ કર્યો બચાવ

અચાનક જ તેનો પગ લપસી ગયો પરંતુ ત્યાં હાજર બંને સુરક્ષાકર્મીઓ તેમના હાથ લંબાવ્યા અને તેમને પકડી દીધા. સામેનો ફોટો ક્લિક કરનાર વ્યક્તિ પણ ચીફ જસ્ટિસને પકડે છે, પરંતુ ત્યાં સુધી તેઓ યોગ્ય સ્થિતિમાં આવી જાય છે. પાછળ ઉભા રહેલા લોકોને પણ લાગે છે કે કંઇક બન્યું છે, તેઓ ત્યાં પહોંચે તે પહેલાં જ ચીફ જસ્ટિસ સુરક્ષા જવાનોનો હાથ પકડીને ઉપર આવી ચૂક્યા હતા. 

ઉત્તરાખંડમાં ગંગાના કિનારે અનેક સ્પર્સ બનાવવામાં આવ્યા છે અને સાથે તેની પર મોટા પત્થરો રાખવામાં આવ્યા છે. તેની પર લીલ જામેલી હોય છે. જે ખૂબ જ ચીકણી હોવાના કારણે લપસી જવાની શક્યતા વધારે રહે છે. ઉલ્લેખનીય છે કે ચીફ જસ્ટિસ સુરક્ષાકર્મીઓના કારણે બચી ગયા હતા.

uttarakhand chief justice devprayag Prayers Slips ગંગા ચીફ જસ્ટિસ રંગનાથન દેવપ્રયાગ સુરક્ષાકર્મી Video viral
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ