'તારક મહેતા કા ઉલ્ટા ચશ્મા' સીરિયલ છેલ્લાં 12 વર્ષથી ટીવી પર રાજ કરી રહી છે. આ સિરિયલે હાલમાં જ 3000 એપિસોડ પૂરા કર્યા હતા. તારક મહેતા કા ઉલ્ટા ચશ્મા સીરિયલની ફેન ફોલોઈંગ જબરદસ્ત છે. આ શોના દરેક કેરેક્ટર લાજવાબ છે. શોની પૂરી સ્ટારકાસ્ટ ફેન્સને ખૂબ જ પસંદ છે. જેથી તેમને જોઈને દર્શકોને એવું લાગે છે કે તેઓ રિયલ લાઈફમાં પણ સાથે જ છે. શોમાં એવું જ એક લોકપ્રિય પાત્ર છે કોમલ હાથીનું, જેમને હાલમાં જ એક યુઝરે ટ્રોલ કરી હતી. જેના પર એક્ટ્રેસ ભડકી અને યુઝરને આડે હાથ લીધો હતો. શોમાં કોમલ હાથીનો રોલ પ્લે કરનાર અંબિકા રંજનકરની ઈન્સ્ટાગ્રામ તસવીર પર યુઝરે ગંદી કમેન્ટ કરી હતી, જેનો જવાબ આપવા પર અંબિકાની પ્રસંશા થઈ રહી છે.
અંબિકાની તસવીર પર ટ્રોલરે કમેન્ટ કરતા લખ્યું- જા ડુબીને મરી જા ચુલ્લુ ભર પાણીમાં. તો પછી અંબિકાએ આ ટ્રોલરને જવા ન દીધો બલ્કે તેની આવી ગંદી કમેન્ટનો સ્ક્રીનશોટ શેર કરતા તેનો સબક પણ શીખવાડ્યું. તેણે લખ્યું- હું તને નવા વર્ષની શુભેચ્છાઓ આપવાની સાથે પ્રાર્થના કરું છું કે તૂ જલ્દી ઠીક થઈ જાય. કોઈકને વર્ષના પહેલાં દિવસે આવા કડવા વેણ કહેવા અને આ રીતે વિશ કરવું...હું સમજી શકું છું કે તૂ કેટલો દુઃખી હોઈશ. હું આશા કરું છું કે તારા મિત્રો આ પોસ્ટ ન જુએ.
અંબિકા રંજન અન્ય કેટલાક ટીવી શોઝમાં પણ કામ કરી ચૂકી છે. હેલ્લો કૌન હૈ જનાબ, ફિલ્મી ચક્કર, હંસતે ખેલતે, હમ સબ બારાતી વગેરે. અંબિકા કેટલીક ફિલ્મોમાં પણ કામ કરી ચૂકી છે. 2001માં પ્રિયદર્શનની ફિલ્મ યે તેરા ઘર યે મેરા ઘરમાં પણ અંબિકા કામ કરી ચૂકી છે. જોકે, અંબિકાને સૌથી વધુ ઓળખ તારક મહેતા કા ઉલ્ટા ચશ્મા શોથી મળી છે. અંબિકા સીરિયલમાં દરેક એપિસોડના 25-30 હજાર રૂપિયા ફી લે છે. અંબિકા શોમાં એક હાઉસ વાઈફનો રોલ પ્લે કરી રહી છે. જેમાં ડોક્ટર હાથી તેમના પતિ છે.