નવી દિલ્હીને કાયમી ધોરણે વોશિંગ્ટન રણનીતિક રક્ષા ભાગીદાર બનાવવા માટેનું બીલ લાવનાર એક દિગ્ગજ અમેરિકી સાંસદે હવે કહ્યું છે કે, અમેરીકા ભારત સહિત બીજા બે દેશો સાથે મળીને ચીન તરફથી ઉભા કરવામાં આવતા ખતરાઓ સામે લડશે.
અમેરિકા, ભારત, જાપાન અને દક્ષિણ કોરિયા જેવા દેશો સાથે મળીને ચીન સામે લડશે
ચીન તેના દેશમાં વ્યાપાર કરી રહેલી અમેરિકી કંપનીઓ માટે મોટી સમસ્યા બનીને ઉભરી આવ્યું
ચીનના કારણે અમેરિકા અને ભારતમાં ઘણી બધી ઈલેક્ટ્રોનિક કંપનીઓને નુકશાન થયું
ગુપ્ત બાબતો પર સીનેટની સ્થાયી પસંદગી સમિતિના અધ્યક્ષ ડેમોક્રેટિક સીનેટર માર્ક વોર્નરે કહ્યું છે કે ચીન દ્વારા દેખરેખ રાખવાના ખતરાથી લડવા માટે અમેરિકા, ભારત, જાપાન અને દક્ષિણ કોરિયા જેવા દેશો સાથે મળીને કામ કરશે.
વોર્નરે અમેરિકા ભારત સુરક્ષા પરિષદના સભ્યો સાથેની વાતચીતમાં કહ્યું કે ચીન તેના દેશમાં વ્યાપાર કરી રહેલી અમેરિકી કંપનીઓ માટે મોટી સમસ્યા બનીને ઉભરી આવ્યું છે અને બૌદ્ધિક સંપતિની ચોરી એ ખુબજ મોતો વિષય છે. સીનેટમાં ભારતીય કોકસ ના સહ-અધ્યક્ષ વોર્નરે કહ્યું કે, તેમણે ભારતને કાયમી ધોરણે રણનીતિક રક્ષા ભાગીદાર બનાવવા માટે નેશનલ ડીફેન્સ ઑથોરાઇજેશન એક્ટમાં એક સંશોધન પ્રસ્તાવ મુક્યો હતો.
બીજિંગ સાથે કારોબાર કરી રહેલા દરેક સંગઠનો દરેક બાબત પર ચીન તરફથી રખાતી દેખરેખ પર ચિંતા જતાવતા વોર્નરે કહ્યું હતું કે અમેરિકા ચીનના ખતરા સામે લડવા માટે ભારત, જાપાન અને દક્ષિણ કોરિયા જેવા દેશો સાથે કામ કરશે. ભારતીય-અમેરિકી રમેશ કપૂરે કહ્યું છે કે હાલની પરિસ્થિતિને જોતા બધાજ મેન્યુફેક્ચરિંગ યુંનીત્સને અમેરિકા પરત લેવુ એજ ઠીક રહેશે. તેમણે વધુમાં કહ્યું કે, જે ક્ષેત્રોમ શ્રમના કારણે થતા ખર્ચ અને એવા અન્ય મુદ્દા છે જેના કારણે ચીનમાં રહેલ અમેરિકી કંપનીઓને ભારત લઇ જવી વધુ સારું રહેશે.
શિકાગોના ભારત બરાયે કહ્યું છે કે, ચીનની અનુચિત વ્યાપાર પ્રક્રિયાઓને કારણે અમેરિકા અને ભારતમાં ઘણી બધી ઈલેક્ટ્રોનિક કંપનીઓને નુકશાન થયું છે. કોટી કૃષ્ણે કહ્યું છે કે, અમેરિકા અને ભારત માટે લાંબા સમય સુધી ચાલવાવાળી રક્ષા ભાગીદારીને સ્થાપિત કરવાનો આ સાચો સમય છે.