તમારા કામનું / ભારતીયો માટે ખુશખબરી : અમેરિકન રાષ્ટ્રપતિ જો બાયડને H1B વિઝાને લઈને લીધો આ મોટો નિર્ણય

• બરાક ઓબામાએ આ કાયદો પસાર કર્યો હતો
• ટ્રમ્પે આ કાયદાને રદ્દ કરવાના ઘણા પ્રયાસ કર્યા હતા
• અમેરિકામાં મોટા ભાગે ભારતીય સોફ્ટવેર એન્જિનિયરો કામ કરે છે

બરાક ઓબામાએ આ કાયદો પસાર કર્યો હતો

આ પહેલા પૂર્વ રાષ્ટ્રપતિ ડોનાલ્ડ ટ્રમ્પ પ્રશાસનમાં એચ1 બી ધારકોના કર્મચારીઓના જીવનસાથીઓને એ વાતની શંકા હતી કે અમેરિકામાં 4 વર્ષ વિતાવ્યા બાદ ખબર નહીં શું થશે. તેમને આગળ વધુ કામ કરવાની પરવાનગી મળશે કે કેમ. હવે બાયડન પ્રશાસનના આ નિર્ણયથી આ તમામ શંકાઓ પર વિરામ લાગી ગયો છે. પૂર્વ અમેરિકન રાષ્ટ્રપતિ બરાક ઓબામાએ પોતાના શાસનકાળમાં એચ 1 બી વિઝાધારકોના જીવનસાથીઓને અમેરિકામાં કામ કરવાની પરવાનગી સંબંધમાં કાયદો પસાર કર્યો હતો.

ટ્રમ્પે આ કાયદાને રદ્દ કરવાના ઘણા પ્રયાસ કર્યા હતા

ડોનાલ્ડ ટ્રમ્પે રાષ્ટ્રપતિ બન્યા બાદ આ કાયદાને રદ્દ કરવાના ઘણા પ્રયાસ કર્યા હતા. જો કે બાયડનના આ પ્રસાશનિક નિર્ણયથી આના પર વિરામ લાગી ચૂક્યો છે. એચ1 બી વિઝાધારકોના જીવનસાથીઓને એચ-4 વિઝા હેઠળ અમેરિકામાં કામ કરવાની પરવાનગી ઓબામા પ્રશાસન દ્વારા આપવામાં આવી હતી. પરંતુ ટ્રમ્પ પ્રશાસને કથિત રીતે એક એજન્ડા હેઠળ તેને સમાપ્ત કરવાનો પ્રયાસ કર્યો હતો.

અમેરિકામાં મોટા ભાગે ભારતીય સોફ્ટવેર એન્જિનિયરો કામ કરે છે

હકિકતમાં બાયડનના આ તાજા નિર્ણયથી સૈંકડો સંખ્યામાં લોકોએ રાહતનો શ્વાસ લીધો છે. આ નિર્ણય પર પોતાની ખુશી વ્યક્ત કરતા એચ-4 વિઝાધારક એટલાન્ટાના એક વ્યક્તિએ કહ્યું કે લાંબા સમયથી ખેંચતાણ બાદ અમને લોકોને રાહત અનુભવાઈ રહી છે. અમેરિકામાં મોટા ભાગે ભારતીય સોફ્ટવેર એન્જિનિયરો કામ કરે છે. આ નિર્ણયથી મોટી રાહત મળી છે.