22 જૂનનાં 2023નાં રોજ PM મોદી અમેરિકી કોંગ્રેસ અને સીનેટનાં સંયુક્ત સત્રને સંબોધિત કરશે. PM મોદી પહેલા એવા પ્રધાનમંત્રી હશે જે અમેરિકી સંસદને બીજી વખત સંબોધિત કરશે.
PM મોદી અમેરિકી કોંગ્રેસનું કરશે સંબોધન
બીજી વખત અમેરિકી સંસદને સંબોધિત કરનારાં PM મોદી પહેલા નેતા
અમેરિકી સભા સ્પીકર મેક્કાર્થીએ આપી માહિતી
ભારતનાં પ્રધાનમંત્રી નરેન્દ્ર મોદી 22 જૂન 2023નાં સ્ટેટ વિઝીટ માટે અમેરિકાની યાત્રા કરશે. સંયુક્ત રાજ્ય અમેરિકામાં અન્ય રાષ્ટ્રોનાં પ્રમુખોની યાત્રાને અનેક કેટેગરીમાં વહેંચવામાં આવ્યાં છે જેમાં સ્ટેટ વિઝિટને સૌથી વધુ મહત્વ આપવામાં આવે છે. પોતાના 4 વર્ષનાં કાર્યકાળમાં અમેરિકી રાષ્ટ્રપતિ કેવળ એક જ વખત કોઈ વિદેશી રાષ્ટ્રાધ્યક્ષને સ્ટેટ વિઝિટ પર આમંત્રિત કરી શકે છે. સ્ટેટ વિઝિટ માટે વિશેષ વ્યવસ્થાઓ કરવામાં આવે છે અને યાત્રા પર આવતાં રાષ્ટ્રાધ્યક્ષને વિશેષ સમ્માન પણ આપવામાં આવે છે. આ સમ્માન અંતર્ગત પ્રધાનમંત્રી નરેન્દ્ર મોદીને અમેરિકી સંસદનાં બંને સદનોનાં સંયુક્ત સત્રને સંબોધિત કરવાનું આમંત્રણ આપવામાં આવ્યું છે.
It is my honor to invite @PMOIndia@narendramodi to address a Joint Meeting of Congress on Thursday, June 22nd.
This will be an opportunity to celebrate the enduring friendship between the United States and India and speak to the global challenges our countries both face. pic.twitter.com/gu68UjJltG
અમેરિકી સભા સ્પીકર મેક્કાર્થીએ આપી માહિતી
અમેરિકી સભાનાં સ્પીકર કેવિન મેક્કાર્થીએ PM મોદીને મોકલેલ આમંત્રણ અંગે ટ્વીટ કરતાં લખ્યું કે' આ મારા માટે સમ્માનની વાત છે કે હું ભારતનાં પ્રધાનમંત્રી મોદીને 22 જૂનનાં US કોંગ્રેસનાં સંયુક્ત સત્રને સંબોધિત કરવા માટે આમંત્રિત કરી રહ્યો છું. આ ભારત અને અમેરિકાની મિત્રતાની ઊજવણી કરવાનો અવસર હશે. સાથે જ બંને દેશો જે વૈશ્વિક પડકારોનો સામનો કરી રહ્યાં છે તેના પર પણ ચર્ચા કરવાનો મોકો મળશે.'
USA સરકારમાં દ્વિસદની વ્યવસ્થા
સંયુક્ત રાષ્ટ્ર અમેરિકાની સરકારમાં દ્વિસદની વ્યવસ્થા છે. તેના બંને સદન- સીનેટ અને હાઉસ ઑફ રિપ્રેઝેન્ટેટિવ્સ છે. આ બંનેને US કોંગ્રેસ કહેવામાં આવે છે. US કોંગ્રેસની બેઠક દેશની રાજધાની વોશિંગ્ટન DCમાં થાય છે. સામાન્ય શબ્દોમાં કહીએ તો અમેરિકી કોંગ્રેસ ભારતની સંસદ જેવી જ વ્યવસ્થા ધરાવે છે.
વિદેશી નેતાઓને આપવામાં આવે છે આમંત્રણ
અમેરિકી કોંગ્રેસની આ પરંપરા છે કે બંને સદનનાં સદસ્યો વર્ષમાં એક અથવા 2 વખત ભેગા થશે. આ દરમિયાન રાષ્ટ્રપતિ અને હાઉસનાં વરિષ્ઠ મેંમબરની પરવાનગીથી કેટલાક ગણમાન્ય લોકોને સદનને સંબોધિત કરવા આમંત્રણ આપવામાં આવશે. તેની પાછળનો મુખ્ય ઉદેશ્ય હોય છે કે વિદેશી નેતાનાં અમેરિકા વિશેનાં વિચારોને જાણવું અને નવા વિચારોનું આદાન-પ્રદાન કરવું.