તણાવ / રશિયાના એક પગલાંએ દુનિયાને ચોંકાવ્યું, જાણો ભારત, ચીન, જાપાન, અમેરિકા, બ્રિટન કઇ બાજુ

• રશિયા યુક્રેન મામલે આંતરરાષ્ટ્રીય રાજકરણ ગરમાયુ
• યુક્રેનના વિસ્તારોને ડોનેત્સ્ક અને લહુંસ્કને માન્યતા બાદ ગરમાવો
• રશિયા પર દુનિયાના દેશોએ પ્રતિબંધો મુકવાનું શરૂ કર્યું

રશિયા-યુક્રેન સંકટ વચ્ચે સંયુક્ત રાષ્ટ્ર સુરક્ષા પરિષદની ઈમરજન્સી બેઠક યોજાઈ હતી. જેમાં પશ્ચિમી દેશોએ પુતિનના વલણ પર નારાજગી વ્યક્ત કરી છે. યૂરોપમાં યુદ્ધની આહટ વચ્ચે યુક્રેનના અલગાવવાદીવાળા નિયંત્રણ ક્ષેત્રોમાં રશિયાએ સૈનિક તૈનાત કરવાના પુતિનના આદેશથી દુનિયાભરના નેતા સ્તબ્ધ છે. આથી વિશ્વના દેશોએ રશિયા પર આર્થિક પ્રતિબંધોના હથિયારથી રશિયાને હરાવવાનો પ્રયાસ હાથ ધર્યો છે. 

રશિયાના રાષ્ટ્રપતિ વ્લાદિમીર પુતિને 'દાનેત્સ્ક અને લુહાન્સ્ક પીપુલ્સ રિપલ્બિકની સ્વતંત્રતાને માન્યતા આપ્યા બાદ, અમેરિકા 6 અન્ય દેશોની અપીલ પર સંયુક્ત રાષ્ટ્ર સુરક્ષા પરિષદે સોમવારે રાત્રે યૂક્રેન વિવાદ પર ઇમરજન્સી બેઠક બોલાવી હતી. જેમાં સંયુક્ત રાષ્ટ્ર સુરક્ષા પરિષદની ઇમરજન્સી બેઠકમાં ચીને તમામ પક્ષોને સંયમ રાખવાની અપીલ કરી અને કહ્યું કે, યૂક્રેનમાં તણાવને ન ભડકાવે. ચીને પોતાના નિવેદનમાં ક્યાંય પણ રશિયાની ટીકા ન કરી. ત્યારે ભારતે રશિયા-યૂક્રેન બોર્ડર પર વધતા તણાવ પર ઉંડી ચિંતા વ્યક્ત કરી અને કહ્યું કે તણાવને ઓછો કરવાની તાત્કાલિક પ્રાથમિકતા છે. પશ્ચિમી દેશોની વિરૂદ્ધ ભારતે રશિયાની કાર્યવાહીનો વિરોધ ન કર્યો.

યૂક્રેનમાં તણાવને ન ભડકાવેઃ ચીન

ચીને સુરક્ષા પરિષદમાં યૂક્રેન સંકટને લઇને બોલાવેલી બેઠકમાં તમામ પક્ષોને સંયમ રાખવા અને યૂક્રેન વિવાદનું ડિપ્લોમેટિક સમાધાન શોધવાના તમામ પ્રયાસોને વધારવા પર આહ્વાન કર્યું છે. ચીનનું માનવું છે કે તમામ દેશોએ સંયુક્ત રાષ્ટ્ર ચાર્ટરને અનુરૂપ શાંતિપૂર્ણ રીતે વિવાદોનો ઉકેલ કરવો જોઈએ. યૂક્રેનમાં તણાવને ન ભડકાવે.  સંયુક્ત રાષ્ટ્રમાં ચીનના રાજદૂત ઝાંગ જૂને યૂક્રેન સંકટના તમામ મહત્વપૂર્ણ પક્ષોને યોગ્ય સમાધાન શોધવા માટે વાતચીત શરૂ રાખવાનું આહ્વાન કર્યું. 

રશિયા-યૂક્રેન તણાવને ઓછો કરવો તાત્કાલિક પ્રાથમિકતાઃ ભારત

ભારતે રશિયા-યૂક્રેન બોર્ડર પર વધતા તણાવને લઇને ચિંતા વ્યક્ત કરતા સંયુક્ત રાષ્ટ્ર સુરક્ષા પરિષદમાં કહ્યું કે, તણાવને ઓછો કરવો તાત્કાલિક પ્રાથમિકતા છે. ભારતને વિશ્વાસ છે કે આ મુદ્દે ડિપ્લોમેટિક વાતચીત દ્વારા ઉકેલ લાવી શકાય છે. સંયુક્ત રાષ્ટ્રમાં ભારતના સ્યાયી પ્રતિનિધિ અને રાજદૂત ટીએસ તિરૂમૂર્તિએ સોમવારે રાત્રે સુરક્ષા પરિષદની ઇમરજન્સી બેઠકમાં કહ્યું કે, અમે યૂક્રેનની પૂર્વ બોર્ડર પર થઇ રહેલી ગતિવિધીઓ પર નજર રાખી રહ્યા છીએ. તેમણે કહ્યું કે, રશિયન સંઘની સાથે જોડાયેલ યૂક્રેન બોર્ડર પર વધતો તણાવ ગંભીર ચિંતાનો વિષય છે. આ વસ્તુઓથી વિસ્તારની શાંતિ અને સુરક્ષાને અસર થઇ શકે છે.

રશિયાનો નિર્ણય યૂક્રેનની ક્ષેત્રિય અખંડતાનું ઉલ્લંઘનઃ સંયુક્ત રાષ્ટ્ર

સંયુક્ત રાષ્ટ્રના મહાસચિવ એન્તોનિયો ગુતારેસે યૂક્રેનના દોનેત્સ્ક અને લુહાંસ વિસ્તારોની સ્વતંત્રતાને માન્યતા આપવાના રશિયાના નિર્ણય પર સોમવારે ચિંતા વ્યક્ત કરાઈ. ગુતારેસે કહ્યું કે, રશિયાનો નિર્ણય યૂક્રેનની ક્ષેત્રીય અખંડતા અને સંપ્રભુતાનું ઉલ્લંઘન છે અને સંયુક્ત રાષ્ટ્રના ચાર્ટરના સિદ્ધાંતો વિરૂદ્ધ છે. રશિયા વ્લાદિમીર પુતિને દાનેત્સ્ક અને લુહાંસ્ક ગણરાજ્યોની સ્વતંત્રતાને માન્યતા આપવાના આદેશ પર હસ્તાક્ષર કર્યા. સંયુક્ત રાષ્ટ્ર પ્રમુખના પ્રવક્તા દ્વારા જાહેર કરાયેલ એક નિવેદન અનુસાર ગુતારેસ, યુક્રેનના દોનેત્સ્ક અને લુહાંસ્ક વિસ્તારોના કેટલાક વિસ્તારોના દરજ્જા સંબંધિત રશિયન સંઘના નિર્ણયથી ચિંતિત છે. જેમાં કહેવામાં આવ્યું છે કે, ગુતારેસ મિંસ્ક કરારોના અનુસાર પૂર્વી યૂક્રેનમાં સંઘર્ષના શાંતિપૂર્ણ સમાધાનનું આહ્વાન કરે છે.

રશિયા પર પ્રતિબંધ લગાવવા જઇ રહ્યા છે અમેરિકન રાષ્ટ્રપતિ બાઇડન

અમેરિકાએ આ નિર્ણયની નિંદા કરતા કહ્યું કે, આ નિર્ણય મિંસ્ક કરારો હેઠળ રશિયાની પ્રતિબદ્ધતાઓને સંપૂર્ણ રીતે ફગાવે છે અને રશિયાના આ દાવાનો વિરોધી છે કે આ રણનીતિ માટે પ્રતિબદ્ધ છે. અમેરિકાએ કહ્યું કે, આ યૂક્રેનની સંપ્રભુતા અને ક્ષેત્રીય અખંડતા પર સ્પષ્ટરીતે હુમલો છે. 

અમેરિકાના વિદેશ મંત્રી એન્ટની બ્લિંકને કહ્યું કે, રાષ્ટ્રપતિ જો બાઇડને એક કાર્યકારી આદેશ પર હસ્તાક્ષર કર્યા છે જેમાં અમેરિકન લોકો દ્વારા યૂક્રેનના કથિત દોનેત્સ્ક અને લુહાંસ્ક ગણરાજ્યો વાળા વિસ્તારોમાં તમામ નવા રોકાણ, વેપાર અને નાણાકીય પોષણ પર રોક લાગી જશે. તેમણે કહ્યું કે, અમે યૂક્રેન અને પોતાના સહયોગીઓ અને ભાગીદારો સાથે સમન્વય કરતા રહીશું, જેથી રશિયાની ઉક્સાવ્યા વગરની અને અસ્વીકાર્ય કાર્યવાહીના જવાબમાં ઉચિત કદમ ઉઠાવી શકીએ. રશિયાનો નિર્ણય આંતરરાષ્ટ્રીય કાયદા અને નિયમોનું પુતિન દ્વારા ઘોર ઉલ્લંઘન કરવાનું વધુ એક ઉદાહરણ છે.

જાપાને રશિયાની નિંદા કરી, ગંભીર કાર્યવાહી પર કરશે વિચાર

જાપાનના પ્રધાનમંત્રી ફૂમિયો કિશિદાએ યૂક્રેનની સંપ્રભુતા અને ક્ષેત્રિય અખંડતાના કથિત ઉલ્લંઘન કરવા પર રશિયાની નિંદ કરી અને કહ્યું કે, તેનો દેશ આંતરરાષ્ટ્રીય સમુદાયોની સાથે પ્રતિબંધો સહિત સંભાવિત ગંભીર કાર્યવાહી પર ચર્ચા કરશે. કિશિદા રશીયન રાષ્ટ્રપતિ વ્લાદિમીર પુતિન દ્વારા પૂર્વી યૂક્રેનના 2 અલગાવવાદી વિસ્તારોની આઝાદીને માન્યતા આપવાના આદેશ પર હસ્તાક્ષર કરવાના સંબંધનમાં પૂછવામાં આવેલા પ્રશ્નનો જવાબ આપી રહ્યા હતા. 

કિશિદાએ મંગળવારે પત્રકારોને કહ્યું કે, આ કાર્યવાહી અસ્વીકાર્ય છે અને અમે તેની નિંદા કરીએ છીએ. જાપન ગંભીર ચિંતા પેદા કરનારી આ ઘટનાઓ પર નજર રાખી રહ્યું છે. જી-7 દેશનો સમૂહ લોકશાહીના મૂલ્યોને સમર્થન કરે છે અને કાયદાના રાજને લઇને એકજૂટ છે અને આંતરરાષ્ટ્રીય સમુદાયનું નેતૃત્વ કરે છે.

બ્રિટન અને જર્મનીએ રશિયાના વિરોધમાં કરી કાર્યવાહી

બ્રિટને રશિયાની 5 મોટી બેંકો પર પ્રતિંબંદ મુકી દીધો છે. આ સાથે જર્મનીએ પણ રશિયા વિરૂદ્ધ મોટુ પગલુ ભરી "નોર્ડ સ્ટ્રીમ 2" ગેસ પાઈપલાઈન પર રોક લગાવી દીધી છે. યુક્રેન - રશિયા વચ્ચે યુદ્ધ જેવી સ્થિતિને કારણે પશ્વિમના દેશો ચિંતિત જોવા મળી રહ્યા છે. કારણ કે પશ્વિમના દેશો લાંબા સમયથી પ્રાકૃતિક ગેસ માટે રશિયા પર નિર્ભર રહ્યા છે. તથા બન્ને દેશો વચ્ચે તંગદિલીને કારણે ક્રૂડના ભાવ પણ સતત વધી રહ્યા છે.