પ્રશંસનીય / માની ગયા બોસ! UP પોલીસે યુવતીનું ફેક FB ID બનાવી કર્યું એવું કામ, જાણીને તમે પણ કરશો સલામ

• ટ્રેની IPSની તરકીબ કરી ગઇ કામ
• ફેસબુક મારફતે અપહરણકારને ઝડપી પાડ્યો
• ફેક આઇડી બનાવીને ફસાવ્યો ઝાળમાં

વ્યક્તિ આજના દિવસોમાં સૌથી વધારે જેની સાથે સમય વીતાવતી હોય તો તે છે સોશિયલ મીડિયા. સોશિયલ મીડિયામાં ઘણા લોકો એવા છે કે 24 કલાક એક્ટિવ રહેતા હોય.  આ વાતનો ફાયદો ઉઠાવીને યુપી પોલીસે એક મોટોકેસ સોલ્વ કરી લીધો. વાત જાણે એમ હતી કે એક યુવતીનુ અપહરણ કરીને એક યુવકલ ભાગી ગયો હતો. તેને શોધવા માટે પોલીસે ફેક આઇડી બનાવીને યુવકને પોતાની જાળમાં ફસાવી લીધો. ફેસબૂક આઈડી દ્વારા આરોપી યુવકની ધરપકડ કરવામાં આવી હતી, સાથે જ અપહરણ કરાયેલી યુવતીને પણ મળી આવી હતી.

પુત્રીના અપહરણની નોંધાવી હતી ફરિયાદ 

શહેરના યમુનાપર વિસ્તારમાં રહેતા એક પરિવારે તેમની પુત્રીના અપહરણની ફરિયાદ ઘુરપુર પોલીસ સ્ટેશનમાં નોંધાવી હતી. ફરિયાદના આધારે પોલીસે આરોપી સુરજીતની શોધખોળ શરૂ કરી તો ખબર પડી કે તે મુંબઈમાં રહે છે. આરોપીને ટ્રેસ કરવાનો એકમાત્ર રસ્તો મોબાઈલ હતો જે બંધ હતો. મોબાઈલ બંધ હોવાથી લોકેશન ટ્રેસ કરવું મુશ્કેલ બન્યું હતું.

આરોપી યુવકને ફેસબુક દ્વારા ઝડપી લીધો 

આ દરમિયાન પોલીસને એક વાતની જાણ થઈ કે આરોપી યુવક ફેસબુક સાઈટ પર ખૂબ જ એક્ટિવ છે. જેને જોતા ટ્રેની આઈપીએસ ચિરાગ જૈને ફેક યુવતીનું ફેસબુક આઈડી બનાવીને આરોપી યુવકને ફ્રેન્ડ રિક્વેસ્ટ મોકલી હતી. યુવકે તેને સ્વીકારી. અને અહીંથી તે પોલીસની જાળમાં ફસાઈ ગયો. ફેસબુક પર થયેલી વાતચીતમાં યુવક પાસેથી ફોન નંબર માંગવામાં આવ્યો હતો. આરોપીએ ફેસબૂક ચેટ પર પોતાનો નંબર આપતાની સાથે જ તે નંબરના આધારે તેને ટ્રેસ કરીને તેની ધરપકડ કરવામાં આવી હતી. આટલું જ નહીં, પ્રયાગરાજ ઘુરપુરની રહેવાસી અપહરણ કરાયેલી યુવતી પણ મળી આવી. 

અપહરણ કરાયેલી યુવતીને મેડિકલ માટે મોકલી

પ્રયાગરાજ પોલીસના તાલીમાર્થી IPS ચિરાગ જૈન બુધવારે આરોપી યુવક અને અપહરણ કરાયેલી યુવતીને મુંબઈથી પ્રયાગરાજ લાવ્યા હતા. આ ઉપરાંત પોલીસ આરોપી યુવકની પૂછપરછ કરી રહી છે, જ્યારે પોલીસે યુવતીને મેડિકલ તપાસ માટે મોકલવાની તૈયારી શરૂ કરી છે. તમને જણાવી દઈએ કે પ્રયાગરાજના આ ટ્રેનિંગ આઈપીએસ અધિકારીની પોલીસ વિભાગમાં ચર્ચા થઈ રહી છે, કારણ કે ફેસબુક આઈડી બનાવીને આરોપીની ધરપકડ કરવાનો આ પહેલો મામલો છે.