માવઠું / વરસાદથી ખેડૂતોના હાલ બેહાલ,જાણો રાજ્યના કયા વિસ્તારમાં શું થયું નુકસાન

• રાજ્યમાં કમોસમી વરસાદ
• કમોસમી વરસાદથી પાકને નુકસાન
• તૈયાર પાક પર ફરી વળ્યાં પાણી

પાકને મોટા પ્રમાણમાં નુકસાન 

વરસાદના કારણે કેરી, ચીકુ સહિતના પાકને નુકસાન થયું છે. જલાલપોરના મરોલીમાં પણ કમોસમી વરસાદે ખેડૂતોની ચિંતા વધારી છે. જ્યારે બનાસકાંઠામાં પણ કમોસમી વરસાદથી ઘઉં એરંડા, રાયડો અને વરિયાળી જેવા પાક જમીન દોસ્ત થયા છે. આ કુદરતી આફત સામે ખેડૂતો લાચાર બન્યા છે. 

ખેડૂતોના હાલ બેહાલ 

તો બીજી તરફ સુરત, સાબરકાંઠા અને વલસાડમાં પણ કમોસમી વરસાદથી ખેડૂતોના હાલ બેહાલ થયા છે. સુરતના અડાજણ વિસ્તારમાં કમોસમી વરસાદે ખેડૂતોની ચિંતામાં વધારો કર્યો છે. તો સાબરકાંઠામાં પણ વરસાદી ઝાપટા પડ્યા છે. હિંમતનગર, ઇડર, વડાલી, ખેડબ્રહ્મામાં કમોસમી વરસાદ પડ્યો છે. 

વરસાદથી રોગચાળો વકરવાની પણ ભય

જ્યારે વલસાડમાં પણ વાતાવરણમાં પલટા આવ્યો છે. આકાશમાં કાળા ડિબાંગ વાદળો ઘેરાયા છે. તો ક્યાંક વરસાદી ઝાપટા પડ્યા છે. ઉનાળાની સિઝનમાં વરસાદથી ખેડૂતોમાં ચિંતાનો માહોલ જોવા મળ્યો છે. તો કમોસમી વરસાદથી રોગચાળો વકરવાની પણ ભિતિ સેવાઇ રહી છે. 

શનિવાર સુધી વેસ્ટર્ન ડિસ્ટર્બન્સની શક્યતા

હવામાન વિભાગે વધુમાં જણાવ્યું કે, શનિવારથી રાજ્યના મહત્તમ તાપમાનમાં વધારો થશે. વેસ્ટર્ન ડિસ્ટર્બન્સથી રાજ્યમાં વાદળછાયું વાતાવરણ છવાયું છે. જેના કારણે રાજ્યના અનેક જિલ્લાઓમાં ગુરૂવારે વરસાદ નોંધાયો છે. આજે દક્ષિણ ગુજરાતમાં હળવા વરસાદની હવામાન વિભાગે આગાહી કરી છે.