લગ્નમાં દહેજના સ્વરૂપે રૂપિયા અને ગાડીઓ આપવાની ઘટનાઓ તો ઘણીવખત સાંભળી છે અને નિહાળી પણ છે પરંતુ ક્યારેય એવું સાંભળ્યું છે કે, દહેજમાં ઝેરી સાપ આપવામાં આવતા હોય. આ વાત જાણીને તમને આશ્ચર્ય થશે પરંતુ તે હકીકત છે.
લગ્નમાં દહેજના સ્વરૂપે રૂપિયા અને ગાડીઓ આપવાની ઘટનાઓ તો ઘણીવખત સાંભળી છે અને નિહાળી પણ છે પરંતુ ક્યારેય એવું સાંભળ્યું છે કે, દહેજમાં ઝેરી સાપ આપવામાં આવતા હોય. આ વાત જાણીને તમને આશ્ચર્ય થશે પરંતુ તે હકીકત છે.
મધ્યપ્રદેશના ગૌરિયા સમુદાયમાં આ પ્રકારની પરંપરા આજેપણ જોવા મળે છે. લોકો પોતાના જમાઇને 21 ઝેરી સાપની ભેટ દહેજ સ્વરૂપે આપે છે. આપને જણાવી દઇએ કે, આ પરંપરા સદીઓથી ચાલી આવે છે. એક માન્યતા મુજબ, આ સમુદાયથી જોડાયેલ કોઇ વ્યક્તિ પોતાની દિકરીના લગ્નમાં સાપ નથી આપતો તો તેની દિકરીના લગ્ન ટૂંક સમયમાં તૂટી જાય છે.
એવુ કહેવાય છે કે, જ્યારે દિકરીના લગ્ન નક્કી થાય ત્યારથી જ દિકરીનો બાપ સાપ પકડવાની શરૂઆત કરી દેતો હોય છે. જેમાં ગેહુંઅન જેવા ખુબ જ ઝેરી સાપનો પણ સમાવેશ થયો હોય છે.
અહીંના બાળકોને પણ ઝેરી સાપથી કોઇપણ પ્રકારનો ડર લાગતો નથી. પરંતુ સાપની સાથે આરામથી રમતા નજરે ચડે છે. ઉલ્લખનીય છે કે, અહીં રહેલા લોકોનો મુખ્ય વ્યવસાય સાપ પકડવાનો છે. આ લોકો સાપ પકડે છે અને લોકોને બતાવીને રૂપિયા કમાય છે અને આ કારણોસર જ દિકરીનો બાપ પોતાના જમાઇને સાપની ભેટ દહેજ સ્વરૂપે આપે છે કે તે લગ્નબાદ પૈસા કમાઈ શકે અને પોતાના પરિવારનું ભરણપોષણ કરી શકે.
આ સમુદાયના સાપોને સુરક્ષિત રાખવા માટે કડક નિયમ બનાવેલા છે. એવું જાણવા મળ્યું છે કે, જો સાપ તેઓના પટારામાં મરી જાય તો પરિવારના તમામ લોકોએ મુંડન કરાવવું પડે છે.