ફોકસ / 2021માં પહેલાંના 100 વર્ષથી અલગ હશે બજેટ, આ બાબતો પર રહેશે સરકારનું ફોકસઃ નાણામંત્રી

• નાણામંત્રીની બજેટને લઈને મોટી જાહેરાત
• છેલ્લા 100 વર્ષ કરતાં અલગ હશે આ બજેટ
• આગામી બજેટમાં ઈન્ફ્રાસ્ટ્રક્ચર પર ભાર મૂકાશે

 
નાણામંત્રાલયે ટ્વિટ કરીને કહ્યું છે કે દિલ્હીમાં કેન્દ્રીય નાણામંત્રી નિર્મલા સીતારમણે સામાન્ય બજેટ 2021-22ના સંબંધમાં ઈન્ફ્રાસ્ટ્રક્ચર, એનર્જી અને ક્લાઈમેટ ચેન્જ સબંધિત સેક્ટર્સના એક્સપર્ચની સાથે પ્રી બજેટ વિચાર વિમર્શ કર્યો છે. આ નવા વર્ષે 1 ફેબ્રુઆરીમાં સંસદમાં બજેટ રજૂ કરાશે. 

અગાઉ નાણામંત્રીએ કરી હતી આ જાહેરાત

થોડા દિવસો અગાઉ નાણામંત્રી નિર્મલા સીતારમણે કહ્યું કે આ વર્ષે બજેટ અલગ રહેવાનું છે. તેઓએ કહ્યું કે છેલ્લા 100 વર્ષોના બજેટની સરખામણીએ આ વર્ષનું બજેટ અલગ રહેશે. સરકાર ચેલેન્જના આધારે બજેટની તૈયારી કરી રહી છે. કોરોના સંકટના કારણે સરકાર બજેટમાં પોતાની નવી રણનીતિ રજૂ કરી શકે છે. 

ઈન્ફ્રાસ્ટ્રક્ચર મૂકાશે ભારઃ નાણામંત્રી

નાણામંત્રી સીતારમણે કહ્યું કે આગામી બજેટમાં ઈન્ફ્રાસ્ટ્રક્ચર પર ભાર રહેશે. કેમકે તેનાથી અર્થવ્યવસ્થામાં ટિકાઉ રિકવરી જોવા મળશે. સરકારની કોશિશ છે કે નવા વર્ષમાં અર્થવ્યવસ્થાની ગાડી પાટા પર આવશે જેથી સરકાર લક્ષ્ય સુધી પહોંચી શકે.
 

બજેટ પહેલા દર વર્ષે નાણામંત્રી અલગ અલગ સેક્ટર્સના દિગ્ગજની સાથે બેઠક કરે છે. તેમાં બજેટને લઈને મંતવ્ય લેવામાં આવે છે. આ વર્ષે કોરોના મહામારીએ દેશની અર્થવ્યવસ્થા પ્રભાવિત કરી છે ત્યારે બજેટનું મહત્વ વધી ગયું છે. જો કે કોરોના મહામારીના કારણે આ વર્ષે પણ પ્રી બજેટ બેઠક વર્ચ્યુઅલી થઈ રહી છે. થોડા દિવસ પહેલાં પ્રી બજેટ બેઠકને લઈને સામાન્ય જનતાના મંતવ્યો માંગવામાં આવ્યા હતા. તેને માટે સરકારે MyGov પ્લેટફોર્મ સાથે જોડાવવાની સુવિધા આપી હતી.