સામાન્ય બજેટ 2020 લાગુ થયા બાદ આપને આયાત કરવામાં આવતી વસ્તુઓની ખરીદી પર પોતાનું ખિસ્સુ હળવું કરવું પડી શકે છે. ફાઇનાન્શિયલ એક્સપ્રેસની એક રિપોર્ટ મુજબ, સામાન્ય બજેટ (Budget 2020) માં નાણામંત્રી નિર્મલા સીતારમણ ઇમ્પોર્ટ ડ્યૂટી વધારવાનું એલાન કરી શકે છે.
1 ફેબ્રુઆરીએ રજુ થવાવાળા બજેટમાં લગભગ 50 આઇટમ્સ પર ડ્યૂટી વધારવામાં આવી શકે
ઇમ્પોર્ટ ડ્યૂટી વધારવામાં આવતા અન્ય દેશોની લગભગ 56 અરબ ડોલરની આયાત પ્રભાવિત થશે
સરકારને નાણાકીય મંત્રાલયના ઓફિસરો અને ટ્રેડ પેનલ તરફથી ભલામણ કરાઇ
તેના પગલે તમામ આયાત થતી વસ્તુઓ મોંઘી થઇ શકે છે. જેમા મોબાઇલ ફોન ચાર્જર, કેન્ડલ્સ, લેમ્પ્સ અને લાકડાની ફર્નીચર જેવી તમામ વસ્તુઓ સામેલ છે.
એક રિપોર્ટ મુજબ, 1 ફેબ્રુઆરીએ રજુ થવાવાળા બજેટમાં લગભગ 50 આઇટમ્સ પર ડ્યૂટી વધારવામાં આવી શકે છે. સરકારનું માનવું છે કે, એવુ કરવાથી આયાતમાં ઘટાડો આવશે, જેનાથી સ્થાનીય મેન્યુફ્રેક્ચર્સને મદદ મળશે. બજેટમાં જે પ્રોડક્ટ્સ પર ડ્યૂટી વધારવાનો પ્રસ્તાવ છે, તેમાંથી ઇલેક્ટ્રિક ગુડ્સ, ઇલેક્ટ્રોનિક્સ, હેન્ડિક્રાફ્ટ્સ અને કેમિકલ્સ સામેલ છે.
કેન્દ્ર સરકાર તરફથી ઇમ્પોર્ટ ડ્યૂટી વધારવામાં આવતા ચીન અને અન્ય દેશોથી થવા વાળી લગભગ 56 અરબ ડોલરની આયાત પ્રભાવિત થશે. મેક ઇન ઇન્ડિયા અને સ્વદેશીને ગ્રોથ આપવા માટે નાણા મંત્રી નિર્મલા સીતારમણની બજેટમાં આ મહત્વપૂર્ણ ફોર્મ્યુલા હોઇ શકે છે.
વધશે 5થી 10 ટકા સુધી ઇમ્પોર્ટ ડ્યૂટી
સામાન્ય બજેટ 2020માં નિર્મલા સીતારમણ ઇમ્પોર્ટ ડ્યૂટીમાં 5થી 10 ટકા સુધી વધારાનું એલાન કરી શકે છે. નોંધનીય છે કે, સરકારને આવી ભલામણ નાણાકીય મંત્રાલયના ઓફિસરો અને ટ્રેડ પેનલની તરફથી મળી હતી. જે બાદ આ પગલુ ઉઠાવવા પર વિચાર કરવામાં આવી રહ્યો છે.
પહેલા બન્યું હતું 130 સામાનોનું લિસ્ટ
નોંધનીય છે કે, બજેટ 2020ને લઇને ચર્ચા દરમિયાન લોકલ ઇન્ડસ્ટ્રી અને નાણા મંત્રાલયના ઓફિસરો વચ્ચે 100 અરબ ડોલરના વેપાર વાળી કુલ 130 આઇટમ્સ પર ડ્યૂટી વધારવાને લઇને સહમતિ બની હતી. જોકે, બજેટથી પહેલા આ લિસ્ટ ઘટાડીને 50 આઇટમ્સનું કરવામાં આવ્યું છે.