Health Tips / રાજૂ શ્રીવાસ્તવને હાર્ટ અટેક આવ્યા બાદ આ શીખ પહેલી લેજો, જીમમાં કેટલી કસરત કરવી યોગ્ય?

• વર્કઆઉટ કરતા આ વાતોનું રાખો ધ્યાન 
• આ રીતે કરો જીમ અથવા ઘરમાં કસરત 
• જાણો જીમમાં કેટલી કસરત કરવી યોગ્ય?

58 વર્ષીય કોમેડિયન રાજુ શ્રીવાસ્તવને જીમમાં વર્કઆઉટ કરતી વખતે હાર્ટ એટેક આવ્યો હતો. તેમને 10 ઓગસ્ટના રોજ દિલ્હીની AIIMS હોસ્પિટલમાં દાખલ કરવામાં આવ્યા હતા. હકીકતે રાજુ ટ્રેડમિલ પર દોડી રહ્યો હતો, તે જ સમયે તેને છાતીમાં દુખાવો થયો અને તે નીચે પડી ગયો.

તેમની એન્જીયોપ્લાસ્ટી કરવામાં આવી છે. તેના હૃદયના મોટા ભાગમાં 100% બ્લોકેજ છે. તે હજુ પણ ICUમાં છે.

એવામાં અમે વાત કરીશું કે 50 વર્ષથી વધુ વયના લોકો, યુવાનો અને ગર્ભાવસ્થાની યોજના કરતી મહિલાઓએ જિમ અથવા ઘરે કેવી રીતે કસરત કરવી જોઈએ.

તંદુરસ્ત વ્યક્તિએ દરરોજ કેટલો સમય કસરત કરવી જોઈએ?
ઘરે

• ઓછામાં ઓછી 45 મિનિટની કસરત કરવી જોઈએ.
• શ્રેષ્ઠ કસરત વૉકિંગ છે.
• તમારે અઠવાડિયામાં ઓછામાં ઓછા 3 દિવસ ચાલવું જોઈએ.
• ચાલવાની ઝડપ એટલી રાખો જેનાથી તમે હાંફી ન જાઓ.
• તમારી સાથે ચાલતી વ્યક્તિ સાથે હાંફ્યા વિના વાત કરી શકો.

જીમમાં

• જીમમાં સમય નહીં, તમે ત્યાં કેવા પ્રકારની કસરત કરો છો તે મહત્વનું છે.
• તમારે તમારી શારીરિક ક્ષમતા અનુસાર કસરત કરવી જોઈએ.
• બીજાને જોઈને વધારે ઉત્સાહિત ન થાઓ. ધીમે ધીમે તમારી ક્ષમતા વધારો.
• એવી કસરત કરો જેમાં તમને વધારે શ્વાસ ન ચઢે.

હાર્ટ એટેકથી બચવા માટે 50થી વધુ ઉંમરના લોકોએ આ રીતે કસરત અને આહારનું ધ્યાન રાખવું જોઈએ.

• યોગ અને પ્રાણાયામને તમારા જીવનનો એક ભાગ બનાવો.
• હૃદયને સુરક્ષિત રાખવા માટે યોગ કરવો ખૂબ જ જરૂરી છે.
• મસલ્સ બનાવવા માટે કલાકો સુધી પરસેવો ન વહાવો. આ ખતરનાક બની શકે છે.
• ચાલવાની સાથે સૂર્ય નમસ્કાર કરવાથી ઘણો ફાયદો થશે.
• સંતુલિત આહાર લો. તેલ અને ઘી ઓછું ખાઓ, પણ ટોટલ બંધ ન કરો.
• માત્ર પ્રોટીનયુક્ત વસ્તુઓ જ ન લો, કાર્બોહાઇડ્રેટ યુક્ત વસ્તુઓ પણ ખાઓ.
• બહુ ઝડપથી વજન ઘટાડવાની જાળમાં ન પડો.
• શરીરને હાઇડ્રેટેડ રાખો. દરરોજ ઓછામાં ઓછું 3-4 લિટર પાણી પીવો.

50થી વધુ ઉંમરના લોકો આ રીતે કરો એક્સરસાઈઝ 
હવે વાત કરીએ એ લોકો વિશે, જેમની ઉંમર 50 થી વધુ છે અને તેઓ ઘરે નહીં પણ જીમમાં કસરત કરે છે. આવા લોકોએ... 

• કોઈ પણ ગોલને પુરો કરવા માટે ઉતાવળ ન કરો 
• જીમમાં 45 મિનિટથી 1 કલાક સુધી જ એક્સરસાઈઝ કરો. 
• સ્ટ્રેસ જેટલો ઓછો લેશો, તેટલું જ તમારૂ હાર્ટ વધારે સારૂ રહેશે. 
• ભોજન, પાણી અને ઊંઘ ત્રણેવ વસ્તુઓેને બેલેન્સ રાખો,
• દિવસભરમાં 3-4 લીટર પાણી પીવો, ઓછામાં ઓછુ 8 કલાકની ઉંઘ લો. 
• ભોજનમાં ઓછું ઓછુ અને વારંવાર ખાઓ, તે સ્વાસ્થ્ય માટે સારૂ રહેશે. 
• જો આખા દિવસમાં 8 રોટલી ખાઓ છો તો તેને એક વખતમાં નહીં આખા દિવસમાં 4 વખત ખાઓ. 
• સૌથી બેસ્ટ ભોજન તમારા ઘરની થાળીનું છે.