અમેરિકાએ ચેતવણી આપી છે કે, રશિયા ટૂંક સમયમાં યુક્રેન પર હુમલો કરીને પોતાના કબ્જામાં લઈ લેશે. જે બાદ અફરાતફરી જેવી સ્થિતી આવી પડશે. એક ડઝનથી વધારે દેશોએ પોતાના નાગરિકોને યુક્રેન છોડવાની સલાહ આપી દીધી છે.
રશિયા અને યુક્રેન વચ્ચે તણાવ ચરમ પર પહોંચ્યો
રશિયા ટૂંક સમયમાં યુક્રેન પર કરી શકે છે હુુમલો
અમેરિકાએ રશિયાને આપી દીધી સ્પષ્ટ ચેતવણી
અમેરિકાએ ચેતવણી આપી છે કે, રશિયા ટૂંક સમયમાં યુક્રેન પર હુમલો કરીને પોતાના કબ્જામાં લઈ લેશે. જે બાદ અફરાતફરી જેવી સ્થિતી આવી પડશે. એક ડઝનથી વધારે દેશોએ પોતાના નાગરિકોને યુક્રેન છોડવાની સલાહ આપી દીધી છે. અમેરિકા, બ્રિટેન અને જર્મની એવા દેશોમાં સામેલ છે. જેમણે પોતાના નાગરિકોને યુક્રેન છોડવાનું કહ્યું છે. બીજી બાજૂ રશિયાએ યુક્રેનની સરહદ પર લગભગ 100,000 સૈનિકોની તૈનાતી કરી દીધી છે, પણ કોઈ પણ પ્રકારના હુમલા કે કબ્જાની વાતથી સ્પષ્ટ ના પાડી દીધી છે. આ તમામની વચ્ચે શનિવારે અમેરિકી રાષ્ટ્રપતિ જો બાઈડને રશિયાના રાષ્ટ્રપતિ વ્લાદીમીર પુતિન સાથે ફોન પર વાત કરી હતી.
અમેરિકાએ રશિયાને આપી દીધી આ સ્પષ્ટ ચેતવણી
આ વાતચીતમાં બાઈડેને પુતિનને ફરી એક વાર યુક્રેનની સરહદ પર એક લાખથી વધારે સૈનિકોને જમાવડો હટાવાનું કહ્યું. સાથે જ રશિયાને ચેતવણી આપી છે કે, તે યુક્રેન પર આક્રમણ કરે છે, તો અમેરિકા અને તેના સહયોગી મક્કમતાથી જવાબ આપશે અને તેને તેના માટે ભારે કિંમત ચુકવવી પડશે. અમેરિકી રાષ્ટ્રપતિના કાર્યાલય વ્હાઈટ હાઉસે આ પ્રકારની જાણકારી આપી છે. બાઈડેને પુતિનને કહ્યું કે, આક્રમણનું પરિણામ વ્યાપક માનવીય પીડા હશે અને રશિયાની છબી ખરડાઈ જશે. સાથે જ બાઈડેને પુતિનને કહ્યુ કે, અમેરિકા યુક્રેન પર કૂટનીતિ ચાલુ રાખશે, પણ અન્ય પરિદ્રશ્યો માટે સમાન રૂપે તૈયાર છે.
થોડા જ દિવસોમાં હુમલો કરી શકે છે રશિયા
યુક્રેન સંકટ વચ્ચે બંને નેતાઓએ 62 મીનિટ સુધી વાત કરી હતી. આ ફોન કોલ એવા સમયે થયો છે, જ્યારે બાઈડેનના રાષ્ટ્રીય સલાહકારે ગુપ્તચર સૂચનાઓનો હવાલો આપતા સચેત કર્યા છે કે, રશિયા થોડા દિવસોમાં જ બીઝીંગમાં ચાલે રહેલા વિંટર ઓલંપિકના 20 ફેબ્રુઆરીને સમાપ્ત થાય તે પહેલા આક્રમણ કરી શકે છે. રશિયાએ યુક્રેનની સરહદ પર સૈનિકો તૈનાતી સાથે પાડોશી દેશ બેલારૂસમાં યુદ્ધાભ્યાસ કરવામાં માટે સૈનિકો મોકલી દીધા છે. જેને લઈને એવું કહેવાય છે કે, તે બૈલારૂસમાંથી યુક્રેન પર હુમલો કરી શકે છે.
અમેરિકાએ સ્ટાફને કીવથી જવાનું કહ્યું
આ અગાઉ અમેરિકાએ યુક્રેનમાં પોતાના દૂતાવાસમાં કામ કરી રહેલા બિન જરૂરી સ્ટાફને દેશ છોડવાના આદેશ આપી દીધા છે. તે બાકીના કર્મચારીઓને પોલેન્ડ઼ની પાસે યુક્રેનમાં દૂર પૂર્વ ક્ષેત્રમાં મોકલી રહ્યા છે જેથી હાલત કંટ્રોલ ન થાય ત્યાં સુધી કોઈ પણ રીતે કામ રોકાઈ નહીં. કેનેડામાં પોતાના દૂતાવાસમાં સ્ટાફને અહીંથી મોકલી રહ્યું છે. જેથી બ્રિટેનના રાજદૂત મેલિંડા સિમંસે કહ્યું કે, તે અને તેમની ટીમ કીવમાં જ રહેશે. રશિયા પોતાના સ્ટાફની સુરક્ષા માટે પગલા ઉઠાવી રહ્યું છે. તેમણે કહ્યું કે, તે ત્રીજા દેશો અને યુક્રેનના ઉશ્કેરાહટથી ડરીને આવું કરી રહ્યું છે.
ડચ એરલાઈને યુક્રેન માટેની ફ્લાઈટ બંધ કરી દીધી
અમેરિકાએ ખૂબ જ સાવધાની રાખતા યુક્રેનના સૈનિકોને ટ્રેનિંગ આપનારા લગભગ 150 સૈનિકોને દેશ બહાર હાંકી કાઢ્યા છે. ડર એરલાઈન્સ કેએલએમને જાહેરાત કરી છે કે, તે યુક્રેન માટે તાત્કાલિક પ્રભાવથી ફ્લાઈટ બંધ કરી દેશે. તો વળી યુક્રેનના રાષ્ટ્રપતિ વ્લાદિમીર જેલેંસ્કીએ કહ્યું કે, તે પશ્ચિમી તાકાત પાસે આતક્રમણનો કોઈ પાક્કો પુરાવો છે, તો તેમણે અત્યાર સુધી તેને જોયું કેમ નહીં.