આપણે મોબાઇલ ફોન અથવા લેપટોપમાં પાસવર્ડ રાખીને તેને સિક્યોર કરીએ છીએ. પાસવર્ડ દાખલ કર્યા પછી આપડને લાગે છે કે આપણો ડેટા સુરક્ષિત છે. પરંતુ એવું નથી કારણ કે મોટાભાગના લોકો આવા પાસવર્ડ રાખે છે. જેને સરળતાથી હેક કરી શકાય છે.
મોબાઈ લેપટોપને સિક્યોર કરે છે પાસવર્ડ
પણ મોટાભાગના લોકો કરે છે આવી ભુલ
જેના કારણે સરળતાથી હેક થઈ જાય છે પાસવર્ડ
ઘણીવાર આપણે આપણી પર્સનલ ડિટેલ્સને સિક્યોર કરવા માટે પાસવર્ડનો ઉપયોગ કરીએ છીએ. પરંતુ જો પાસવર્ડ હેક થઈ જાય તો તેમાંથી આપણો બધો અંગત ડેટા ચોરાઈ જાય છે. હકીકતે આપણને ઘણી જગ્યાએ પાસવર્ડની જરૂર હોય છે અને તે ભૂલી જવાના ડરથી આપણે ખૂબ જ સરળ પાસવર્ડનો ઉપયોગ કરીએ છીએ. આ પાસવર્ડને કોઈપણ સરળતાથી હેક કરી શકે છે.
10 પાસવર્ડ્સ જે સરળતાથી થઈ જાય છે હેક
આવા ઘણા કોમન પાસવર્ડ્સ છે, જેનો ઉપયોગ માત્ર ભારતમાં જ નહીં પરંતુ સમગ્ર વિશ્વમાં થાય છે. તો ચાલો જાણીએ આવા 10 પાસવર્ડ્સ વિશે જે વિશ્વમાં સૌથી વધુ ઉપયોગમાં લેવાય છે. તેમજ તેમને સરળતાથી હેક કરી શકાય છે.
બર્થ ડે, ફોન નંબર, નામનો ન બનાવો પાસવર્ડ
લોકો તેમના પાસવર્ડને ખૂબ જ સરળ બનાવવા માટે 123 જેવા નંબરવાળા પાસવર્ડનો ઉપયોગ કરે છે. આ ઉપરાંત, મોટી સંખ્યામાં લોકો તેમનો જન્મદિવસ, ફોન નંબરના છેલ્લા કેટલાક અંકો, તેમનું નામ અને જન્મદિવસ અથવા તો તેમના શહેરના પિન કોડમાંથી પણ પાસવર્ડ બનાવે છે. જેને ખૂબ જ સરળતાથી ક્રેક કરી શકાય છે. તેથી તમારે તમારો પાસવર્ડ ખૂબ જ કાળજીપૂર્વક બનાવવાની જરૂર છે.
આ કંપનીએ બનાવી 200 સૌથી ખરાબ પાસવર્ડની યાદી
વિશ્વમાં પાસવર્ડ્સનું વિશ્લેષણ કરતી NordPass નામની એજન્સીએ 2020ના સૌથી ખરાબ 200 પાસવર્ડની યાદી બનાવી છે. આ 200 પાસવર્ડમાંથી 100થી વધુ એવા પાસવર્ડ છે જેને સરળતાથી હેક કરી શકાય છે. એટલે કે, સાયબર ક્રિમિનલ અથવા કોઈપણ દ્વારા તેને સરળતાથી હેક કરી શકાય છે અને પછી તે એકાઉન્ટનો દુરુપયોગ કરી શકે છે.
ચાલો જાણીએ કે લિસ્ટમાં કયા પાસવર્ડ સામેલ છે
પહેલા નંબર 123456 પાસવર્ડ આવે છે અને તેનો ઉપયોગ 25,43,285 યુઝર્સે કર્યો છે.
બીજા નંબર પર 123456789 આવે છે અને તેનો ઉપયોગ 9,61,436 યુઝર્સે કર્યો છે.
ત્રીજા નંબર પર આવે છે Passwor અને તેનો ઉપયોગ 3,60,467 યુઝર્સે કર્યો છે.
ચોથો નંબર પર 12345678 છે અને તેનો ઉપયોગ 3,22,187 યુઝર્સે કર્યો છે.
પાંચમો નંબર પર 111111 આવે છે અને તેનો ઉપયોગ 2,30,507 યુઝર્સે કર્યો છે.
123123 છઠ્ઠા નંબર પર આવે છે અને તેનો ઉપયોગ 1,89,327 યુઝર્સ દ્વારા કરવામાં આવ્યો છે.
સાતમો નંબર 1234567890 આવે છે અને તેનો ઉપયોગ 1,71,724 યુઝર્સે કર્યો છે.
1234567 આઠમા નંબર પર આવે છે અને તેનો ઉપયોગ 1,65,909 યુઝર્સ દ્વારા કરવામાં આવ્યો છે.
abc123 નવમા નંબરે આવે છે અને તેનો ઉપયોગ 1,51,804 યુઝર્સ દ્વારા કરવામાં આવ્યો છે.
10મા નંબરે 00000 પાસવર્ડ આવે છે અને તેનો ઉપયોગ 1,22,982 યુઝર્સ દ્વારા કરવામાં આવ્યો છે.