પ્રહાર / શિવસેનાએ સામનામાં લખ્યુંઃ કોંગ્રેસી ગાંધી પરિવારની કૃપાથી ઐયાશ થઇ ગયા

શિવસેનાએ લખ્યું કે મોદી કે રાષ્ટ્રીય જનતાંત્રિક ગઠબંધન વિરુદ્ધ જોરદાર લડાઇ તો છોડો, થોડું ઘણું લડવાનો પ્રયાસ કોંગ્રેસ પાર્ટી તરફથી થતો લાગ્યો નથી. તેનું કારણ એ છે કે કોંગ્રેસીઓની પંગુ માનસિકતા છે જેથી લોકોએ કોંગ્રેસને પગ તળિયે કચડયા છે.

કોંગ્રેસવાળા ગાંધી પરિવારની કૃપાથી ઐયાશ થઇ ગયા હતા, પરંતુ તેનો મુફતખોર પણ છે. દેશની રાજકીય પરિસ્થિતિનો તેમને ખ્યાલ નથી. સામનામાં આગળ લખાયું છે કે કર્ણાટકમાં ભાજપે તેમની પાર્ટીને ખોખલી કરી દીધી છે.

ત્યાંની જેડીએસ-કોંગ્રેસ સરકાર તૂૂટવાની અણી પર છે, પરંતુ તે પાર્ટીનો એક પણ વફાદાર પોતાની પાર્ટીની પ્રતિષ્ઠાને બચાવવા માટે દોડધામ કરતો દેખાતો નથી. બધા લોકો માતમ મનાવવા રાહુલ ગાંધીના  દ્વારે ઊભા છે. 

લેખમાં આગળ એમ પણ લખ્યું છે કે ચારેય રાજ્યમાં વિધાનસભા ચૂંટણીઓ યોજાવાની છે તેમાં પાર્ટીની ભૂૂમિકા શું હશેે? ચૂંટણી કેવી રીતે લડાશે, શું કરવું પડશે તેના પર કોઇ પ્રકારની ચર્ચા નથી, પરંતુ રાહુલ ગાંધી રાજીનામું પાછું ખેંચે તેને લઇને હંગામો મચેલો છે. રાહુલ ગાંધીએ રાજીનામું આપીને કોંગ્રેસનો અસલી ચહેરો સામે લાવી દીધો છે.