નિવેદન / આ રાજ્યના મુખ્યમંત્રીએ કહ્યું- પહેલા આપણે સચિન-વિરાટની સદી જોતા આજે પેટ્રોલ-ડીઝલ...

• મહારાષ્ટ્રમાં છે શિવસેના-કોંગ્રેસ-એનસીપીની સરકાર 
• મહાવિકાસઆઘાડી ગઠબંધન મહારાષ્ટ્રમાં સત્તા સ્થાને છે 
• મુખ્યમંત્રી ઉદ્ધવ ઠાકરેએ મોદી સરકાર પર સાધ્યું નિશાન

મહારાષ્ટ્રના મુખ્યમંત્રી ઉદ્ધવ ઠાકરેએ કહ્યું કે પેટ્રોલ અને ડીઝલની વધતી કિંમતો સાથે તેમણે કહ્યું કે પહેલા આપણે વિરાટ કોહલી અને સચિન તેંડુલકરની સદીઓ જોતા હતા, હવે આપણે પેટ્રોલ-ડીઝલની સદીઓ જોઈ રહ્યા છીએ.

મહારાષ્ટ્ર સીએમ ઠાકરેએ મોદી સરકાર પર કર્યો કટાક્ષ 

ઓઇલના વધતા ભાવો પર મહારાષ્ટ્રના મુખ્ય પ્રધાન ઉદ્ધવ ઠાકરેએ પેટ્રોલ અને ડીઝલના ભાવને ક્રિકેટ સાથે જોડીને મોદી સરકાર પર કટાક્ષ કર્યો છે. ઉદ્ધવ ઠાકરેએ કહ્યું કે પહેલા અમે ક્રિકેટમાં સચિન તેંડુલકર અને વિરાટ કોહલીની સદીઓ જોતા હતા પરંતુ હવે આપણે પેટ્રોલના ભાવની સદી જોઈ રહ્યા છીએ. નોંધપાત્ર વાત એ છે કે દેશભરમાં પેટ્રોલ અને ડીઝલની કિંમતમાં સતત વધારો થઈ રહ્યો છે. ભાવવધારાના વિરોધમાં વિપક્ષના નેતાઓ સતત કેન્દ્ર સરકારને નિશાન બનાવી રહ્યા છે.

મહત્વનું છે કે પેટ્રોલ ડીઝલની વધતી કિંમતો અંગે વિપક્ષી પાર્ટીઓ દ્વારા વિવિધ રાજ્યોમાં સતત વિરોધ પ્રદર્શન ચાલુ છે. વિરોધી પક્ષો પોતાની રીતે સરકારનો વિરોધ કરી રહ્યા છે, તેમજ પેટ્રોલ ડીઝલની કિંમતમાં ઘટાડાની માંગણી કરી રહ્યા છે. આ અગાઉ કોંગ્રેસે શનિવારે નરેન્દ્ર મોદી સરકાર પર સામાન્ય માણસની સમસ્યાઓની અવગણના કરવાનો આરોપ લગાવ્યો હતો. તેમણે કહ્યું કે સરકારે પોતાનો અહંકાર છોડવો જોઈએ અને પેટ્રોલ, ડીઝલ અને રાંધણ ગેસ (એલપીજી) પરના કરમાં ઘટાડો કરવો જોઈએ.

કોંગ્રેસે પેટ્રોલ-ડીઝલ પર વધારો ટેક્સ હટાવવાની કરી માંગણી

કોંગ્રેસના પ્રવક્તા અભિષેક મનુ સિંઘવીએ કહ્યું હતું કે સરકારે પેટ્રોલ અને ડીઝલ પરનો ક્રમશ રૂ. 23.૭૮ અને રૂ. ૨૮.૩૭નો વધારાનો ટેક્સ હટાવવો જોઈએ. જો સરકાર આમ કરે તો તે પેટ્રોલ -ડીઝલના ભાવ ઘટાડવામાં મદદરૂપ બનશે.