રાજકારણ / મોટા ફેરફાર: હરિયાણામાં પૂર્વ સીએમ આગળ કોંગ્રેસ નરમ પડી, શૈલજાને હટાવી ઉદયભાણને બનાવ્યા પ્રદેશ અધ્યક્ષ

• હરિયાણા કોંગ્રેસમાં મોટા ફેરફાર
• કોંગ્રેસે પ્રદેશ અધ્યક્ષ બનાવ્યા
• પૂર્વ સીએમના ખાસ માણસને આપી જવાબદારી

કોંગ્રેસે પંજાબ અને હિમાચલ બાદ હવે હરિયાણામાં પોતાની સ્ટેટ યુનિટમાં મોટો ફેરફાર કર્યો છે. કુમારી શૈલજાના સ્થાને હવે ઉદયભાણને પ્રદેશ અધ્યક્ષ બનાવ્યા છે. જે ભૂપિન્દ્ર સિંહ હુડ્ડાના ખાસ માણસ છે. તેઓ હોડલ સીટ પરથી કેટલીય વાર ધારાસભ્ય રહી ચુક્યા છે અને દલિત સમુદાયમાંથી આવે છે. પાર્ટીની સંગઠન મહાસચિવ કેસી વેણુગોપાલ તરફથી જાહેર કરવામાં આવેલા નિવેદનમાં આ પ્રકારની જાણકારી આપવામાં આવી હતી. 

हरियाणा कांग्रेस अध्यक्ष नियुक्त किए जाने पर श्री उदय भान जी को हार्दिक बधाई व शुभकामनाएं देती हूं।

कार्यकारी अध्यक्ष नियुक्त किए जाने पर श्रीमती श्रुति चौधरी जी, श्री रामकिशन गुर्जर जी, श्री जितेंद्र भारद्वाज जी, श्री सुरेश गुप्ता जी को भी शुभकामनाएं देती हूं। (1/2) pic.twitter.com/brUHkWDblJ

— Kumari Selja (@kumari_selja) April 27, 2022

હરિયાણામાં કોંગ્રેસે ફરી વાર દલિત કાર્ડ ખેલ્યું

તેમણે જણાવ્યું છે કે, ઉદયભાણને હરિયાણા પ્રદેશ કમિટિના અધ્યક્ષ નિમણૂંક કરવાની સાથે શ્રૃતિ ચૌધરી, રામ કિશન ગુજ્જર, જિતેન્દ્ર કુમાર ભારદ્વાજ અને સુરેશ ગુપ્તાને કાર્યકારી અધ્યક્ષ બનાવામાં આવ્યા છે. હકીકતમાં જોઈએ તો, ભૂપિંદર સિંહ હુડ્ડાને પૂર્વ પ્રદેશ અધ્યક્ષ કુમારી શૈલજા સાથે ભારે ડખ્ખા થતાં હતાં. તેઓ સતત તેમને હટાવીને કોઈ અન્યને અધ્યક્ષ બનાવાની માગ કરી રહ્યા હતા,. જો કે, દલિત સમુદાયમાંથી આવતા શૈલજાને હટાવતા દલિતો નારાજ થશે તેવો પણ ડર સતાવી રહ્યો હતો.

હુડ્ડાને નારાજ કરી શકે નહીં, દલિતોને પણ નારાજ ન કરાય

ત્યારે આવા સમયે કોંગ્રેસ પાર્ટી ન હુડ્ડાને નારાજ કરી શકે કે નહીં દલિતોને નારાજ કરી શકે. તેથી ઉદયભાણ પર તેમની નજર ગઈ જે હુડ્ડાના નજીકના પણ છે અને દલિત સમુદાયમાંથી પણ આવેછે. પૂર્વ સીએમ હુડ્ડા હાલમાં વિધાનસભામાં વિપક્ષના નેતાની જવાબદારી સંભાળી રહ્યા છે. કહેવાય છે કે, આ અગાઉ કોંગ્રેસ હાઈકમાન્ડે અધ્યક્ષ બનાવાનો પ્રસ્તાવ આપ્યો હતો, પણ તેની સાથે વિધાનસભામાં નેતા વિપક્ષની જવાબદારી કોને આપવી તે મોટો પ્રશ્ન હતો. તેથી હુડ્ડાએ વિપક્ષના નેતા બની રહેવાની ઈચ્છા વ્યક્ત કરી. તેમની સાથે તેમનો ઈરાદો એવો પણ હતો કે, શૈલજાને હટાવીને આ જવાબદારી કોઈ અન્યને સોંપવામાં આવે અને તે વ્યક્તિ હુડ્ડાનો ખાસ હોય.