ભારત અને શ્રીલંકા વચ્ચેની મેચમાં આજે ચાર રન બચાવવાના ચકકરમાં શ્રીલંકાના બે ખેલાડીઓ સામસામે અથડાયા હતા.
ભારત અને શ્રીલંકા વચ્ચે ત્રીજી વનડે મેચ રમાઈ
ચાર રન બચાવવાના ચકકરમાં શ્રીલંકાના બે ખેલાડીઓ સામસામે અથડાયા
તિરુવનંતપુરમમાં રમાઈ હતી ત્રીજી વનડે મેચ
ભારત અને શ્રીલંકા વચ્ચે વનડેની શ્રેણી ચાલી રહી છે. ત્યારે ભારત અને શ્રીલંકા વચ્ચે ત્રીજા વન ડે યોજાયો હતો. આ દરમિયાન વિરાટ કોહલીએ 166 રન ફટકાર્યા હતા. ત્રીજા વનડે દરમિયાન શ્રીલંકન ટીમના જેફરી વેંડરસ અને અશેન બંડારા બાઉન્ડ્રી બચાવવા જતાં એકબીજા સાથે અથડાયા હતા. બે ખેલાડીઓ ભટકાતાં અશેન બંદરાના ઘૂંટણમાં ઇજા પહોંચી હતી. જેને પગલે ગ્રાઉન્ડ પરથી એશેન બંદરાને સ્ટ્રેચર પર મેદાનની બહાર લઈ જવામાં આવ્યો હતો.
ભારત અને શ્રીલંકા વચ્ચે ત્રીજી વનડે મેચ તિરુવનંતપુરમમાં રમાઈ હતી. આ મેચમાં બાઉન્ડ્રિ બચાવવા જેફરી વેન્ડરસે અને અશીન બંદારાએ જોરદાર ફિલ્ડિંગ કરી હતી. જેમાં બન્ને એકબીજા સાથે અથડાયા હતા. આ દરમિયાન અશેન બંદરાના ઘૂંટણમાં ગંભીર ઇજા પહોંચી હતી. આ ઘટના ઈનિંગની 43મી ઓવરના પાંચમા બોલ પર બની હતી. બંદારા બોલને રોકવા માટે જમણા પગની મદદથી સ્લાઇડ કરીને બોલને રોકવાનો પ્રયાસ કર્યો હતો. ત્યારે જેફરી વેન્ડરસ તેમની ઉપર પડ્યો હતો. ત્યારે બંદારાનો ઘૂંટણ વાન્ડરસેના પેટમાં વાગતા બંદારાને પગમાં ગંભીર ઈજા પહોંચી હતી. આ અંગેનો વીડિયો પણ સામે આવ્યો છે.