મહત્વ પૂર્ણ નિર્ણય / રેપ પીડિતાઓ માટે ટૂ-ફિંગર ટેસ્ટ કરાવવો ત્રાસ દાયક, SC એ નારાજગી વ્યક્ત કરી

• સુપ્રીમ કોર્ટનો મહત્વપૂર્ણ નિર્ણય
• બળાત્કારના ગુનામાં રેપ પીડીતાનાં કરવામાં આવતા ટૂ-ફીંગર ટેસ્ટ પર રોક
• ટૂ-ફીંગર ટેસ્ટ કરવાવાળો વ્યક્તિ ગેરવર્તણુંક માટે દોષિત હશે
• SC એ ટૂ-ફીંગર ટેસ્ટ પર ભારે નારાજગી વ્યક્તી કરી

સુપ્રીમ કોર્ટે બળાત્કાર પીડીતાનાં ટૂ-ફીંગર ટેસ્ટ પર ભારે નારાજગી વ્યક્ત કરી છે. એક કેસની સુનાવણી દરમ્યાન કોર્ટે કહ્યું છે કે બળાત્કાર પીડિતો માટે ટુ ફિંગર ટેસ્ટએ વધુ એક ફટકો છે. કોર્ટે કહ્યું કે જે વ્યક્તિ બળાત્કારનાં મામલામાં ટુ-ફીંગર ટેસ્ટ કરાવશે તે ગેરવર્તણુંકને દોષી ગણાશે. આ સાથે કોર્ટે મેડિકલ કોલેજોમાં અભ્યાસ સામગ્રીમાંથી આ ટેસ્ટને હટાવવાના નિર્દેશો પણ આપ્યા છે.

પિતૃસત્તાક મન પર આધારિતી ટું ફિંગર ટેસ્ટ
સુપ્રીમ કોર્ટે કહ્યું છે કે બે ફિંગર ટેસ્ટ પિતૃસત્તાક દ્રષ્ટિકોણ પર આધારિત છે કે સેક્સ્યુઅલી એક્ટીવ મહિલા પર બળાત્કાર થઈ શકે નહીં. ટેસ્ટ પર નારાજગી વ્યક્ત કરતા જસ્ટિસ ડીવાય ચંદ્રચુડે કહ્યું "પીડિતાના જાતીય ઈતિહાસના પુરાવા માટે ટુ-ફીંગર ટેસ્ટ મહત્વપૂર્ણ નથી."

આરોપીને આજીવન કેદની સજા ફટકારવામાં આવી
કેસમાં સુનાવણી કરતા કોર્ટે આરોપીને નિર્દોષ છોડી મુકવાના આદેશને રદ્દ કર્યો છે. સુપ્રીમ કોર્ટે આ કેસમાં આરોપીઓને આજીવન કેદની સજા ફટકારી છે. હકીકતમાં 2013 માં સુપ્રીમ કોર્ટે ટુ-ફીંગર ટેસ્ટને ગેરબંધારણીય ગણાવ્યો હતો.