કોરોના વાયરસ / એકમાત્ર એવો દેશ જે કોરોનાને નથી માનતો બિમારી, લોકોનું વર્તન જોઇને ચોંકી જશો

• તુર્કેમેનિસ્તાનમાં કોરોના શબ્દ લખવા અને બોલવા પર પ્રતિબંધ
• કોરોનાની ચર્ચા કરનારને જેલ
• તુર્કમેનિસ્તાન પોતાના આંકડાઓ છુપાવી રહ્યું છે

અમે વાત કરી રહ્યા છીએ કે તુર્કેમેનિસ્તાનની જેનાથી કોરોના શબ્દ લખવા અને બોલવા પર પ્રતિબંધ લગાવવાની સાથે માસ્ક પહેરવા પર પણ કાર્યવાહી કરવાના આદેશ આપવામાં આવ્યા છે. મળતી માહિતી અનુસાર પ્રતિબંધ કોઇ બીજાએ નહીં પરંતુ રાષ્ટ્રપતિ ગુરબાંગુલી બેયરડેમુકામેડૉવે લગાવ્યો છે. એટલું જ નહીં જનતા વચ્ચે સ્પેશિયલ એજન્ટ્સ ફરી રહ્યા છે જે કોઇ કોરોનાની ચર્ચા સાંભળે છે તો તેમને જેલ મોકલી દે છે.

કાયદેસર અત્યાર સુધી દેશમાં એક પણ કોરોનાનો કેસ સામે નથી આવ્યો. આ વાત વિશેષજ્ઞોને પણ હજમ નથી થઇ રહી. તેમનું માનવું છે કે તુર્કમેનિસ્તાન પોતાના આંકડાઓ છુપાવી રહ્યું છે. આ દેશે અંદાજિત એક મહિના પહેલા પોતાના દેશની બોર્ડર સીલ કરી દીધી હતી. ત્યારે ચીન સહિત બાકી દેશોથી આવનારા વિમાનોના રસ્તાઓને ડાયવર્ટ કરી દીધા હતા.
    
બર્થડે હોય કે લગ્ન મોટી સંખ્યામાં લોકો પહોંચે છે

તુર્કમેનિસ્તાનમાં લોકોનું થર્મલ સ્ક્રીનિંગ પણ કરવામાં આવી રહ્યું છે. પરંતુ  તેમ છતા પણ બાકી દેશો સિવાય ત્યાં જનજીવન બહુજ સામાન્ય છે. મોટી સંખ્યામાં પબ્લિક પ્રસંગોમાં જોડાઇ રહ્યા છે. બર્થ ડે હોય કે લગ્ન મોટી સંખ્યામાં પહોંચી રહ્યા છે. જોકે આ પહેલી વખત નથી જ્યારે તુર્કમેનિસ્તાને આ પ્રકારે આંકડા છુપાવ્યા હોય. આ દેશે કેટલીક બીમારીઓને લઇને આંકડા છુપાવ્યા છે જેમાં એઇડ્સ અને પ્લેગ પણ છે. ત્યારે, પ્રેસ સ્વતંત્રતાના મામલે પણ આ દેશ 180 દેશોની યાદીમાં સૌથી અગ્રસ્થાને છે.

પોતાના રૂઢિવાદી વિચારો માટે જાણીતા અહીંના રાષ્ટ્રપતિએ બીમારીથી બચાવા માટે અજીબ આદેશ પણ આપ્યા છે. તેમણે દેશના તમામ જાહેર સ્થળો પર હરમાલા નામની પારંપરિક છોડ લગાવવા પણ કહ્યું છે. તેમનું માનવું છે કે આ છોડ બીમારીઓના ફેલાવાને રોકવામાં કારગર છે. આ સિવાય સરકારી જાહેરાત, શાળા અને દિવાલો પર છપાયેલ કોઇ પણ કોરોના સાથે જોડાયેલ વાતને હટાવવામાં આવી રહી છે. માહિતી છે કે કોરોનાની જગ્યા શ્વાસની બીમારી અથવા બીમારી શબ્દનો પ્રયોગ કરવા કહેવામાં આવી રહ્યું છે.