અનેક વાર સીઝનમાં ફેરફાર આવવાના કારણે ગળામાં ખાંસી અને શરદી તથા તાવની ફરિયાદ રહે છે. આ સમયે અનેક ઈન્ફેક્શનનો ખતરો રહે છે. તમે દવાઓ સિવાય આ ઘરેલૂ ઉપાયો કરી લેશો તો તમને રાહત મળશે.
સીઝનલ શરદી, ખાંસી અને તાવમાં કરો આ કામ
દવાઓને બદલે અજમાવો ઘરેલૂ ઉપાયો
ઈન્ફેક્શન અને ફ્લૂ સામે પણ મળશે રાહત
મેથીના બીજ
મેથીના બીજમાં એન્ટી બેક્ટેરિયલ ગુણ હોય છે. મેથીનું પાણી શરદી, ખાંસી અને વાયરલ બીમારી સામે રક્ષણ આપે છે. મેથીના પાણીનો ઉપયોગ કરીને શરીરના હાનિકારક બેક્ટેરિયાને ખતમ કરી શકાય છે. આ સંક્રામક રોગનો બચાવ કરે છે. આ માટે મોટી ચમચી મેથીના દાણાને પાણીમાં ઉકાળો અને નિયમિત રીતે તેને ગાળીને તેનું સેવન દિવસમાં 1 વાર અચૂક કરો.
તુલસીની ચા
તુલસીના પાન ખાસ કરીને ગળફાને ઘટાડવાનું કામ કરે છે. તાજા તુલસીના પાનને લઈને કે સૂકા પાનને લઈને તમે તેનો ઉપયોગ કરી શકો છો. સૂકા તુલસીના પાન એક ચમચો લો. તેની સાથે એલચીના 2-3 દાણા લો અને પાણીમાં ઉકાળી લો. તેને ગળ્યું કરવા તેમાં 1 ચમચી મધ મિક્સ કરો. આ ચા પીવાથી ફેફસા સહિતની અનેક સમસ્યામાં ફાયદો થઈ શકે છે.
નટ્સ
રાતભર પલાળીને રાખેલી બદામનું સવારે ભૂખ્યા પેટે સેવન કરો. તેનાથી તમારા ફેફસાનું સ્વાસ્થ્ય સારું રહે છે.
વરિયાળી
વરિયાળીના બીજ એક ખાસ સામગ્રી છે. આ માટે તમે એક ચમચી વરિયાળીને પાણીમાં નાંખીને ઉકાળો. પાણીને અડધું થવા દો. આ પછી તેનું સેવન કરો. તેનાથી ગળાની ખરાશ અને ખાંસીમાં આરામ મળશે.
હળદર વાળું દૂધ
હળદર ખાસ કરીને એન્ટી ઇન્ફ્લેમેટરી પ્રોપર્ટીઝ, એન્ટી બેક્ટેરિયલ અને એન્ટી વાયરલ પ્રોપર્ટી ધરાવે છે. આ ઇન્ફેક્શનની સામે લડે છે, ખાંસી, તાવ, શરદીથી રાહત મેળવવા માટે તમે ગરમ હળદર વાળું દૂધ પી શકો છો.
ગરમ પાણી અને મીઠાના કોગળા
જો તમને ગળામાં દર્દ રહેતું હોય કે ઈન્ફેક્શન જેવું લાગતું હોય કે ગળામાં ખરાશની પણ સમસ્યા લાગે તો તમે તરત જ મીઠાવાળા ગરમ પાણીના કોગળા કરો. આમ કરવાથી તમને ખાંસીમાં પણ રાહત મળે છે અને સાથે ગળાનું દર્દ ઘટે છે.
ચા
આ ચાને તમારે અલગ રીતે બનાવવાની છે. ઉપરની તમામ સામગ્રી એટલે કે મેથીના બીજ, તુલસીના પાન, એલચી, વરિયાળી, મધ અને ગોળની ચા પીવાથી તમને અનેક ઈન્ફેક્શન અને સીઝનલ સમસ્યાઓથી રાહત મળી રહે છે.