ઉપવાસ હોય કે એકટાણાં લોકો જાત-જાતની ફરાળી વાનગીઓ બનાવી લેતા હોય છે. અમે તમારા માટે લઈને આવ્યાં છીએ સાબુદાણાની ઈડલીની રેસિપી.
ઘરના સભ્યોની અલગ અલગ ડિમાન્ડ હોય છે, જેમ કે કોઈને ફરાળી ઢોસા અને ઉત્પમ વધારે ભાવે છે, તો કોઈને ફરાળી ખીચડી અને કઢી. તો વળી કેટલાક એવા હોય છે જેમને કંઈક અલગ જ ખાવાની ઈચ્છતા થતી હોય છે ત્યારે આજે અમે તમારા માટે લઈને આવ્યાં છીએ સાબુદાણાની ઈડલીની રેસિપી.
સૌ પહેલાં એક કડાઈ લો અને તેમાં તેલ અને સાબુદાણા મધ્યમ તાપે પાંચ મિનિટ શેકવા. સાબુદાણાને હવે છાશથી લાળવા. તેની પર ઢાંકણ ઢાંકી રાખો. ઈડલી ઉતારતા પહેલા પલળેલા સાબુદાણા વાટી લેવા. તેમાં મોરેયાનો લોટ ઉમેરો અને સ્વાદ અનુસાર મીઠું અને સોડા ઉમેરીને હલાવતા રહો. હવે તેમાં કોથમીર, લીલા મરચા ઉમેરી લો. ઈડલીના વાસણમાં તેલ ચોપડી, ખીરું રેડી ઈડલી ઉતારવી. ગરમ ઈડલી કોપરાની ચટણી સાથે પીરસીને ઘરના સભ્યોને મજા કરાવો.