વલણ / કોરોના સંકટમાં ટ્રમ્પનું બદલાઈ ગયું મન, કહ્યું હજુ આ શરૂ થતાં સમય લાગશે

થોડા સપ્તાહ પહેલા ટ્રમ્પે કહ્યું કે સ્કૂલ ખોલવી સુરક્ષિત છે અને ડેમોક્રેટ રાજકીય કારણોસર તેનો વિરોધ કરી રહ્યાં છે. પરંતુ ગુરુવારના રોજ વ્હાઇટ હાઉસ ખાતે પત્રકારો સાથેની વાતચીતમાં ટ્રમ્પે કહ્યું કોરોના વાયરસથી વધુ પ્રભાવિત કેટલાંક જિલ્લાઓમાં સ્કૂલોને ફરી ખોલવામાં થોડા અઠવાડિયાનું મોડુ થઇ શકે છે. આ અંગેનો નિર્ણય ત્યાં ગર્વનર લેશે. 

યુએસ રાષ્ટ્રપતિ ટ્રમ્પે પોતાના વલણમાં ફેરફાર કર્યો પરંતુ આ સાથે એમ જણાવ્યું કે દરેક સ્કૂલે ખોલવાની તૈયારી સક્રિયતાની સાથે કરવી જોઇએ. દેશમાં કેટલાંક મોટા જિલ્લાની સ્કૂલોએ સંપૂર્ણ રીતે ખોલવાના વિચારને પહેલાથી નામંજૂર કરી દીધી હતો. લૉસ એંજિલિસ અને સેન ડિયેગો જિલ્લામાં આ પાનખરમાં ઑનલાઇન શિક્ષણ સંચાલન કરવાની યોજના છે, જ્યારે ન્યૂયોર્ક શહેરની સ્કૂલોએ ઑનલાઇન અને વ્યક્તિગત બંને રીતે ભણાવાની યોજના બનાવી છે. 

ઉલ્લેખનીય છે કે અમેરિકા, બ્રાઝિલ અને ભારતમાં કોરોના સંક્રમણના નવા કેસો સતત વધી રહ્યાં છે. દુનિયામાં ગુરૂવારે કોરોના સંક્રમણના 2 લાખ 75 હજાર નવા કેસ સામે આવ્યાં. જેના કારણે કુલ હવે 1 કરોડ 56 લાખથી વધારે કેસ થઇ ગયા છે. છેલ્લા 24 કલાકમાં સંક્રમણોથી અંદાજે 6300 લોકોના મૃત્યું થયા છે. જેનાથી મૃત્યુંનો કુલ આંકડો વધીને 6 લાખ 35 હજાર થઇ ગયો છે. અમેરિકામાં 69 હજાર, બ્રાઝિલમાં 58 હજાર અને ભારતમાં 48 નવા કેસ સામે આવ્યાં છે. 

ટ્રમ્પે મદદની કરી જાહેરાત

કોવિડ-19ના વધતા કેસના કારણે નર્સિંગ હોમમાં દર્દીઓના મૃત્યુંની આશંકાઓને ધ્યાનમાં લઇને રાષ્ટ્રપતિ ડોનાલ્ડ ટ્રમ્પે કોરોના મહામારીને રોકવા માટે આરોગ્ય કેન્દ્રો માટે 5 અરબ ડોલરની મદદની જાહેરાત કરી છે. આ પગલું રાષ્ટ્રપતિ પદની ચૂંટણીમાં ડેમોક્રેટિક પાર્ટીના સંભવિત ઉમેદવાર જો બાઇડેન દ્વારા પારિવારિક દેખભાળ યોજના જાહેર કર્યા બાદ લેવામાં આવ્યું.