IPLIN
 

સિદ્ધિ / વિદેશમાં ભારતીયોનો દબદબો યથાવત, ભારતીય મૂળના અનિતા આનંદ બન્યા કેનેડાના રક્ષામંત્રી

Team VTV 10:55 AM, 27 Oct 21
Follow us
Trudeau names Anita Anand as defence min; 3 PIOs in cabinet

ભારતીય મહિલાઓની ભારતની સાથે સાથે વિશ્વમાં પણ બોલબાલા છે. ત્યારે વધુ એક ભારતીય મૂળની મહિલાએ ભારત દેશને ગૌરવ અપાવ્યું છે.

  • વિદેશમાં ભારતીયોનો દબદબો
  • કેનેડામાં રક્ષામંત્રી બન્યા અનિતા આનંદ
  • મહિલા સાંસદ કમલ ખેરા બન્યા મંત્રી

હવે કેનેડા સરકારમાં પ્રથમ વખત ભારતીય મૂળના અનિતા આનંદ રક્ષામંત્રી બન્યા છે. અનિતા આનંદે ઈન્ડો-કેનેડિયન હરજીત સજ્જનનું સ્થાન લીધું છે. આ ઉપરાંત 32 વર્ષીય સાંસદ કમલ ખેરાએ પણ મંત્રી તરીકે શપથ ગ્રહણ કર્યા છે.

પ્રધાનમંત્રી જસ્ટિન ટ્રુડોની નવી કેબિનેટમાં 6 મહિલા મંત્રીઓમાં બે ભારતીય કેનેડિયન મહિલા મંત્રી સ્થાન ધરાવે છે. કમલ ખેરા 2015થી ત્રણ વાર સાંસદ તરીકે ફરજ બજાવી ચૂક્યા છે.

1967માં થયો છે અનિતા આનંદનો જન્મ

અનિતા આનંદનો જન્મ નોવા સ્કોટિયામાં 1967માં થયો હતો. તે યુનિવર્સિટી ઓફ ટોરેન્ટોથી લો પ્રોફેસર તરીકે જવાબદારી નિભાવી ચૂક્યા છે.. અને ઓકવિલેથી સાંસદ સભ્ય તરીકે પણ ચૂંટાઈ આવ્યા હતા. 2019માં પ્રધાનમંત્રીએ અનિતા આનંદને પબ્લિક સર્વિસ અને પ્રોક્યુરમેન્ટ બાબતના મંત્રી તરીકે નિમણૂક કરી હતી.

અગાઉ પ્રધાનમંત્રી કિમ કેમ્પબેલેના સંરક્ષણમંત્રી તરીકે નિભાવેલી જવાબદારી 

જણાવી દઇએ કે, અનિતા આનંદે આ પહેલા કેનેડાના પૂર્વ પ્રધાનમંત્રી કિમ કેમ્પેબલના કાર્યકાળ દરમિયાન મહિલા સંરક્ષણ મંત્રી તરીકે ફરજ બજાવી છે. વડાપ્રધાન કિમ કેમ્પબેલના કાર્યકાળમાં 4,જાન્યુઆરીથી 25 જૂન,1993 સુધી જવાબદારી સંભાળી હતી.

કોણ છે અનિતા આનંદ?

અનિતાનો જન્મ નોવા સ્કોટિયામાં વર્ષ 1967માં થયો હતો
અનિતાના માતા-પિતા વ્યવસાયિક રીતે તબીબી ક્ષેત્રે જોડાયેલા છે
અનિતાના માતા પંજાબ અને પિતા તમિલનાડુના વતની છે
અનિતાએ યુનવર્સિટી ઓફ ટોરન્ટોમાં લો પ્રોફેસર તરીકે જવાબદારી નિભાવી હતી
ઓકવિલેથી સંસદ સભ્ય તરીકે ચૂંટાયા હતા
2019માં પ્રધાનમંત્રી જસ્ટિન ટ્રુડોએ પબ્લિક સર્વિસ તરીકે નિમણૂક કરી હતી

Justin Trudeau Anita Anand અનિતા આનંદ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ