વિરોધ પ્રદર્શન / કેનેડામાં આંદોલન ભડક્યું: 20 હજાર ટ્રકોએ ઘેરી લેતા PM ટ્રૂડો પરિવાર સાથે 'ભાગ્યા'

• હજારોની સંખ્યામાં ટ્રક ચાલકોએ પીએમ આવાસનો ઘેરાવ કર્યો
• સતત હોર્ન વગાડી સરકારને જગાડવાનું કામ 
• ફરજિયાત વેક્સિન અને લોકડાઉનનો વિરોધ

કેનેડાની રાજધાની ઓટાવામાં આવેલા પ્રધાનમંત્રી નિવાસ સ્થાનને 50 હજાર ટ્રક ચાલકોએ પોતાના 20 હજાર ટ્રક સાથે ચારેતરફથી ઘેરાવ કર્યો છે. હાલત એવી થઈ ગઈ છે કે, પ્રધાનમંત્રી જસ્ટિન ટ્રુડો અને તેનો પરિવાર ગુપ્ત સ્થાન પર છુપાવવા માટે ભાગવું પડ્યું છે. આ ટ્રકવાળા દેશમાં કોરોના વેક્સિન ફરજિયાત કરવા અને લોકડાઉનનો વિરોધ કરી રહ્યા છે. આ ટ્રકવાળાઓએ લગભગ 70 કિમી લાંબા કાફલાને 'ફ્રીડમ કોન્વોઈ' નામ આપ્યું છે.

આ કારણે કરી રહ્યા છે વિરોધ

શનિવારે હજારોની સંખ્યામાં ઓટાવામાં જમા થયેલા ટ્રકવાળાઓએ અમેરિકાની સરહદ પાર કરવા માટે વેક્સિન ફરજિયાત બનાવી છે, તેનો વિરોધ કરી રહ્યા છે. આ અગાઉ કેનેડાના પીએમે એક વિવાદીત નિવેદન આપતા ટ્રકવાળાને મહત્વ ન ધરાવતા અલ્પસંખ્યક કહી દીધા હતાં. તેનાથી પણ ટ્રકવાળા ખરાબ રીતે ભડકી ગયા હતા. હાલત એવી થઈ કે, રાજધાની ઓટાવા જજતાં રસ્તા પર 70 કિમી લાંબો જામ ખડકાઈ ગયો.

Canadian PM Trudeau moved to secret location as anti-COVID rules protests flare-up

Read @ANI Story | https://t.co/1X0UhVgKGj
#JustinTrudeau #CanadianTruckers pic.twitter.com/ekYc5LWW98

— ANI Digital (@ani_digital) January 30, 2022

ટ્રક ચાલકોને એલન મસ્કનો પણ સાથ મળ્યો

આ બાજૂ ટ્રક ચાલકોને દુનિયાના સૌથી અમીર માણસ એલન મસ્કનો પણ સાથે મળ્યો છે. મસ્કે ટ્વિટ કરીને કહ્યું છે કે, કેનેડાઈ ટ્રક ચાલકોનું શાસન અને હવે આ આંદોલનના ભણકારા અમેરિકા સુધી પડ્યા છે. આ ટ્રકવાળા કેનેડાઈ ઝંડા લહેરાવી રહ્યા છે અને આઝાદીની માગવાળા ઝંડા પણ લહેરાવી રહ્યા છે. તે પીએમ ટ્રુડો વિરુદ્ધ ખૂબ નારેબાજી કરી રહ્યા છે. આ આંદોલનમાં ટ્રક ચાલકોને અન્ય હજારો પ્રદર્શનકારીઓનો પણ સાથે મળ્યો છે. જે કોરોનાના કારણે આવેલા લોકડાઉનથી કંટાળેલા છે.

હજારોની સંખ્યામાં ટ્રક રસ્તા પર સતત હોર્ન વગાડી સરકારની ઊંઘ હરામ કરી

રસ્તાઓ પર હજારોની સંખ્યામાં વિશાળ ટ્રકોનો અવાજ સંભળાવી રહ્યો છએ અને ડ્રાઈવર તેના હોર્ન સતત વગાડીને સરકારનો વિરોધ કરી રહ્યા છે. તે સંસદની પાસે પહોંચી ગયા છે. મીડિયા રિપોર્ટ અનુસાર કેનેડાના પીએમ પરિવાર સાથે ઘર છોડીને એક સુરક્ષિત જગ્યાએ ગુપ્ત સ્થાન પર પહોંચી ગયા છે. મોટા ભાગના પ્રદર્શનકારીઓનો ટાર્ગેટ પીએમ છે. પીએમ ટ્રુડોએ કહ્યું કે, ટ્રેકવાળા વિજ્ઞાનનો વિરોધ કરી રહ્યા છે અને તે તો ખરાં પણ અન્ય લોકો માટે પણ તેઓ ખતરો બની ગયા છે. કેનેડામાં હજૂ 82 ટકા લોકોને જ વેક્સિન લાગી છે.