કામની વાત / કૉલ કરવા પર નંબરની સાથે નામ પણ દેખાશે, જાણો શું તૈયારી કરી રહી છે સરકાર

• TRAI લાવી રહ્યું છે નવું ફીચર્સ
• ટૂંક સમયમાં નંબરની સાથે નામ પણ ડિસ્પ્લે થશે
• જેના નામ પર સિમ હશે તેનું નામ દેખાશે

ટેલિકોમ રેગ્યુલેટરી અથોરિટી ઓફ ઈંડિયા એટલે કે, TRAI ટૂંક સમયમાં જ કોલર્સને KYC બેસ્ડ પર એક મેકેનિઝ્મ પર કામ શરૂ કરી શકે છે. હાલમાં કોઈ આપને કોલ કરે  છે, તો સ્ક્રીન પર ફક્ત તેનો નંબર જ દેખાય છે. પણ ટ્રાઈના આ ફ્રેમવર્કના ફાઈનલ થયા બાદ આપના ફોન પર યુઝર્સનો KYC નામ પણ દેખાશે.

એક વરિષ્ઠ અધિકારીના જણાવ્યા અનુસાર, ટ્રાય ટૂંક સમયમાં ફોન સ્ક્રીન પર કોલર્સ KYC બેસ્ડ નામ ફ્લેશ કરવાનું મેકેનિઝ્મને તૈયાર કરવા પર કામ શરૂ કરી શકે છે. આ મેકેનિઝ્મ બાદ જ્યારે પણ કોઈ આપને ફઓન કોલ કરશે, તો સ્ક્રીન પર તેનું નામ ફ્લેશ થશે.

ટૂંક સમયમાં શરૂ થશે તેના પર કામ 

આ ફીચર ઘણા બધાં અંશે ટ્રુ કોલરની માફક કામ કરશે. દૂરસંચાર વિભાગે પણ ટ્રાઈને આ કામ શરૂ કરવા કહ્યું હતું. ટ્રાયના ચેરમેન પીડી વાઘેલાએ જણાવ્યું હતું કે, તેના પર કંસલ્ટેશન આગામી થોડા મહિનામાં શરૂ થઈ જશે.

તેમણે જણાવ્યું હતું કે, હાલમાં અમને તેના પર એક રિફ્રેસ મળ્યું છે, અને ટૂંક સમયમાં જ કામ શરૂ થઈ જશે. કોઈ પણ કોલ કરવા પર KYC અનુસાર તેનું નામ ડિસ્પ્લે થશે. ટ્રાઈ આ અગાઉ આવી રીતના મેકેનિઝ્મ પર વિચાર કરી રહી હતી, પણ દૂરસંચાર વિભાગના રિફ્રેંસ મળવાના કારણે તેના પર ઝડપી કામ શરૂ થશે.

જેના નામ પર સિમ હશે, તેનું નામ ડિસ્પ્લે થશે

પીડી વાઘેલા જણાવ્યું છે કે, આ મેકેનિઝ્મના ઈનેબલ થવા પર કોલરનું નામ ડિપાર્ટમેંટ ઓફ ટેલિકોમના નિયમ અનુસાર ટેલીકોમ કંપનીઓ દ્વારા કરવામા આવેલા KYC મુજબ ફોન સ્ક્રીન પર નજર પડશે. આ ફીચર આવ્યા બાદ ફેક્સ કોલ્સથી યુઝર્સ બચી જશે.