કરૂણાંતિકા / મોડાસા નગરપાલિકા કર્મચારીનું ફરજ પર કરૂણ મોત, માઝૂમ ડેમ ખાતે અકસ્માતમાં દુ:ખદ અવસાન

• મોડાસા નગરપાલિકા કર્મચારીનું ફરજ પર મોત 
• માઝૂમ ડેમ ખાતે અકસ્માતે  કર્મચારીનું મોત 
• પાણીમાં ઉતરતા ઠુંઠવાઇ જતા મૃત્યુ

મોડાસા નગરપાલિકાના કર્મચારીનું ફરજ પર મોત થયુ હોવાનું સામે આવ્યું છે. જેથી આ બનાવને લઈને સમગ્ર પંથકમાં ચકચાર મચી જવા પામી છે. મનપા કર્મચારીનું માઝૂમ ડેમ ખાતે અકસ્માતે મૃત્યુ થયું છે. જે સમયે તે ફરજ પર હતો. કર્મચારી નવી મોટર નાખી રહ્યો હતો. તે સમયે તેનો અકસ્માત થયો હતો.

ઠંડા પાણીમાં ઠુંઠવાઈ જવાને કારણે મોત 

જે કર્મચારીનું મોત થયું છે તે કર્મચારી ફરજ દરમિયાન પાણીમાં ઉતર્યો હતો. અને ઠંડા પાણીમાં ઠુંઠવાઈ જવાને કારણે તેનું મોત થયું છે. પાલિકા સંચાલિત પાણી પુરવઠાની મોટરમાં ખામી સર્જાઈ જેના કારણે તેની કામગીરી હાથ ધરવામાં આવી હતી. જોકે તે કામગીરી કરતા સમયે કર્મચારીનું કરૂણ મોત થયું છે. 

મૃતદેહને પીએમ અર્થે ખસેડાયો 

ઘટનાની જાણ  થતાજ મોડાસા ગ્રામ્ય પોલીસનો કાફલો સ્થળ પર પહોચ્યો હતો અને તેમણે આ સમગ્ર મામલે કાયદેસરની કાર્યવાહી હાથ ધરી છે. જેમા કર્મચારીના મૃતદેહને પીએમ અર્થે ખસેડવામાં આવ્યો છે. જેથી તેના મોતનું સાચુ કારણ જાણી શકાય છે. 

પુરવઠાની મોટરમાં ખામી સર્જાઈ હતી 

ઉલ્લેખનીય છે કે કર્મચારી ફરજ પર હતો તે સમયે તેનું મોત નિપજ્યું છે. તે નવીન મોટર નાખવાની કામગીરી કરી રહ્યો હતો તે સમયે તેનો અકસ્માત થયો હતો. પાલિકા સંચાલિત પાણી પુરવઠાની મોટરમાં ખામી સર્જાઈ હતી જેની કામગીરી કરવા માટે કર્મચારી અંદર ઉતર્યો હતો. પરંતુ તે સમયે તેનું કરૂણ મોત થયું.