છેતરપિંડી / 23 લાખમાં ખરીદ્યો હતો કાળો ઘોડો, ઘરે લાવીને નવડાવતા જ થયું એવું કે સાંભળીને ચોંકી જશો

• 23 લાખમાં ખરીદ્યો હતો કાળો ઘોડો 
• ઘરે લાવીને નવડાવતા લાલ રંગનો થઇ ગયો 
• પંજાબમાં બની આ છેતરપિંડીની ઘટના 

23 લાખમાં ખરીદ્યો હતો કાળો ઘોડો ​​​​​​​

આજના સમયમાં જો તમે માર્કેટમાં કંઈપણ ખરીદવા જઈ રહ્યા છો, તો સાવધાન રહેવું ખૂબ જ જરૂરી છે. જો તમે સાવચેત રહેતા નથી, તો તમારી સાથે છેતરપિંડી પણ થઇ શકે છે. પંજાબમાં રહેનાર એક વ્યક્તિ સાથે આવી જ છેતરપિંડી થઇ છે. આ વ્યક્તિ લગભગ 23 લાખમાં એક વેપારી પાસેથી કાળા રંગનો ઘોડો ખરીદ્યો હતો. પરંતુ જેવો આ ઘોડાને ઘરે લાવીને સ્નાન કરાવવામાં આવ્યું, તેવો જ ઘોડો લાલ રંગનો થઈ ગયો. 

ઘોડાનું ઘાટ્ટા કાળા રંગનું હોવું, ખૂબ જ રેર હોય છે. ઘોડા સામાન્ય રીતે કાળા સાથે કોઈ બીજા રંગમાં મિક્સ હોય છે અને જે ઘોડાઓ માત્ર કાળા રંગના હોય છે, તેની કિંમત વધારે હોય છે. બાકી કલર કે મિક્સ કલરના ઘોડા કાળા કલરનાં ઘોડાની સરખામણીમાં સસ્તા મળે છે . કાળા ઘોડાને ખરીદવાનો શોખ પંજાબનાં રહેવાસી રમેશ કુમારને મોંઘો પડ્યો. રમેશે 23 લાખમાં કાળો ઘોડો ખરીદ્યો અને તેને ઘરે લઈને આવ્યા. પરંતુ તેમને ખ્યાલ ન હતો કે કે તેમની સાથે છેતરપિંડી થઇ છે. 

ત્રણ વ્યક્તિઓએ કરી છેતરપિંડી 
પંજાબનાં સુનામ શહેરમાં રહેવાવાળા રમેશ કુમારે એક વ્યાપારી પાસેથી ઘોડો ખરીદ્યો હતો. આ સોદામાં ત્રણ લોકો સામેલ હતા. આ ત્રણેય વ્યક્તિઓએ માળીને 23 લાખ રૂપિયામાં રમેશને કાળો ઘોડો વહેંચ્યો હતો. પરંતુ રમેશ કુમાર સમજી ન શક્યા કે તેઓ છેતરાઈ રહ્યા છે. ઘરે લાવ્યા બાદ જેવો ઘોડાને સ્નાન કરાવાયું, નીચે કાળા રંગની ધારા વહી ગઈ. વેપારીઓએ લાલ રંગના ઘોડા પર કાળું પેઈન્ટ ચઢાવીને તેને વહેંચી દીધો હતો. પહેલી વાર સ્નાન કરાવતા જ છેતરપિંડી સામે આવી ગઈ. 

કરી પોલીસ ફરિયાદ 
આ સોદામાં રમેશે વેપારીઓને 7 લાખ 60 હજાર કેશ આપ્યા હતા. બાકીનાં પૈસા રમેશે ચેક દ્વારા આપ્યા હતા. એટલે કુલ મળીને વેપારીઓને 23 લાખ આપવામાં આવ્યા હતા. આ મામલો સામે આવ્યા બાદ રમેશે ત્રણેય વેપારીઓ સામે એફઆઈઆર દાખલ કરાવી દીધી છે. પોલીસ હવે આ મામલાની તપાસ કરી રહી છે.