VIDEO / RTOના નિયમોને ડમ્પર નીચે દબાવી અમદાવાદમાં ધૂળ ઉડાડતા રેત માફિયાઓનો ત્રાસ, તંત્રએ આંખો બંધ કરી લીધી 

• રસ્તા પર RTOના નિયમનો ભંગ, કંન્સ્ટ્રક્શન કંપનીના ડમ્પર બન્યા બેફામ
• લોકોના આરોગ્ય સાથે ચેડા, બેફામ ડંપર ચાલકો પર અંકૂશ ક્યારે ?
• અધિકારીઓની મીલીભગતથી નિયમભંગ, ડમ્પર ચાલકો પાસે નિયમોનું પાલન ક્યારે કરાવાશે ?, 

અમદાવાદના રસ્તાઓ ઉપર ધૂળ ઉડાડતા રેત માફિયાઓનો ત્રાસ સતત વધી રહ્યો છે. આ RTOના નિયમોને ડમ્પર નીચે દબાવી બેફામ બનેલા રેત માફિયાઓ સામે તંત્રએ રીતસરની આંખો બંધ કરી લીધી હોવના દ્રશ્યો સામે આવ્યા છે. વિગતો મુજબ પીક અવર્સમાં અમદાવાદમાં કંન્સ્ટ્રક્શન કંપનીના ડંપરનું બેફામ રીતે આવન-જાવન વધવાથી ભરે વાહનોના કારણે ખાડા પુરવા નાખવામાં આવેલા કાંકરા ધૂળ બની ગયા છે. 

રસ્તા પર RTOના નિયમનો ભંગ

અમદાવાદના રસ્તા પર  રેતી માફિયા, બિલ્ડર્સ, અધિકારીઓની મિલીભગતથી ધૂળનું સામ્રાજ્ય જોવા મળી રહ્યું છે. શહેરના રસ્તા પર RTOના નિયમનો બેફામ રીતે ભંગ થઈ રહ્યો છે. રસ્તા પર ઉડતી ધૂળની ડમરીઓ સ્વાસ્થ્ય માટે હાનિકારક છે. તેવામાં જ ધૂળના સામ્રાજ્ય માટે રેતી માફિયાઓ અને ભ્રષ્ટ તંત્ર જવાબદાર છે. જોકે સામાન્ય જનતા પાસે દંડ વસુલતું તંત્ર ડમ્પરમાં ખુલ્લી રેત ભરવા છતાં પણ કોઈ કાર્યવાહી કરતું ન હોવની સ્થિતિ બની છે. 

જનતાનું સ્વાસ્થ્ય જોખમમાં અને તંત્ર ઘોર નિંદ્રામાં 

મેટ્રો સિટી અમદાવાદમાં પીક અવર્સમાં કંન્સ્ટ્રક્શન કંપનીના ડમ્પરનું બેફામ રીતે આવન-જાવન એ હવે રોજનું બની ગયું છે. આ તરફ ભારે વાહનોના કારણે ખાડા પુરવા નાખવામાં આવેલા કાંકરા ધૂળ બની ગયા છે. રસ્તા પર ઉડતી ધૂળની ડમરીઓ સ્વાસ્થ્ય માટે હાનિકારક હોવા છતાં કોઇ કાર્યવાહી નથી થતી. RTO કે ટ્રાફિક પોલીસ નિયમોના પાલન કરાવવામાં પાછી પાની કરી રહી છે. 

રેતીની હેરાફેરી કરતા વાહનને લીલા કાપડથી ઢાંકવાનો નિયમ

નિયમ મુજબ ડમ્પરમાં રેતી કે અન્ય કોઈ માલસામાનના પરિવહન દરમ્યાન વાહનને લીલા કાપડથી ઢાંકવાનો નિયમ છે. પણ આવા  ડમ્પરો જાણે નિયમોની કઈ પડી જ ના હોય તેમ ખુલ્લેઆમ આંટાફેરા કરી રહ્યા છે. આ સાથે ડમ્પરમાં ખુલ્લી રેત ભરવા છતાં પણ કોઈ કાર્યવાહી થતી નથી. RTO કે ટ્રાફિક પોલીસ નિયમોના પાલન કરાવવામાં પાછી પાની કરી રહી છે.  

VTVના સળગતા સવાલ 

• અમદાવાદમાં કન્સ્ટ્રક્શન કંપનીના ડંપર પર અંકૂશ ક્યારે લાગશે ?
• શું કન્સ્ટ્રક્શન કંપનીને RTOના કાયદા લાગુ નથી પડતા ?
• શું RTOના અધિકારીની મિલીભગતથી કન્સ્ટ્રક્શન કંપની બેફામ બની છે ?
• RTOના અધિકારીઓને આવા ડંપર નથી દેખાતા ?
• લોકોના આરોગ્ય સાથે ચેડા કરવાનો અધિકાર કન્સ્ટ્રક્શન કંપનીને કોણે આપ્યો ?
• આવી કન્સ્ટ્રક્શન કંપનીના માલિકોને કોણ છાવરી રહ્યું છે ?
• સામાન્ય લોકોને લાગુ પડતા કાયદા કન્સ્ટ્રક્શન કંપનીઓને કેમ નહીં ?