કામની વાત / ધ્યાન રાખજો : રોગોથી બચવા 40ની ઉંમર બાદ આ 4 ટેસ્ટ કરાવવા છે જરૂરી

• ઉંમર વધવાની સાથે સ્વાસ્થ્ય પર રાખો ધ્યાન
• 40ની ઉંમર બાદ કરાવો આ ટેસ્ટ
• સમય રહેતાં તકલીફોનું નિદાન થવું જરૂરી છે

થાઈરોઇડ ટેસ્ટ 

થાઇરોઇડ ગ્રંથિ એવાં હોર્મોન્સ ઉત્પન્ન કરે છે, જે શરીરના મેટાબોલિઝમને નિયંત્રિત કરે છે. થાઇરોઇડ હોર્મોન વધારે ઉત્પન્ન થાય તેને હાઇપરથાઇરોઇડિઝ્મ અને ઓછા ઉત્પન્ન થાય તો હાઇપોથાઇરોડિઝ્મ કહે છે. પુરુષોની સરખામણીએ મહિલાઓમાં આ સમસ્યા વધારે જોવા મળે છે.

સ્ક્રીનિંગ ટેસ્ટ 

પેપ સ્મીઅર ટેસ્ટ સર્વાઇકલ કેન્સરની તપાસ માટે કરવામાં આવે છે. 40-45 વર્ષની વય પછીના જરૂરી ટેસ્ટમાં આનો સમાવેશ થવો જોઇએ. આ ટેસ્ટથી યૂટરસ અને તેની સાથે જોડાયેલી નળીઓના ઇન્ફેક્શન અને સોજાનો ખ્યાલ આવે છે.

સીબીસી ટેસ્ટ

સીબીસી ટેસ્ટ એટલે કમ્પ્લીટ બ્લડ કાઉન્ટ ટેસ્ટ જેના દ્વારા લીવર, હૃદય અને કિડનીની સ્થિતિ વિશે ખ્યાલ આવે છે. આમાં લોહીમાં રહેલાં સેલ્સની તપાસ કરવામાં આવે છે કેમ કે વધારે કે ઓછા સેલ્સને લીધે સમસ્યા થઇ શકે છે.

બ્રેસ્ટ એક્ઝામિનેશન

40ની વય બાદ કેન્સરની શક્યતા રહેવાથી દર બે વર્ષે મેમોગ્રાફી કરાવવી જોઇએ.