જીતનો દાવો / ગૃહમંત્રી આવું બોલી જ કઈ રીતે શકે? : બંગાળમાં મતદાન બાદ અમિત શાહે કર્યો એવો દાવો કે ગુસ્સે ભરાયા મમતા બેનર્જી

• અમિત શાહે 26 બેઠકોની જીતનો દાવો કર્યો
• મમતાએ શાહના આ દાવાની ઠેકડી ઉડાવી
• મમતાએ કહ્યું શું અમિત શાહ ઈવીએમાંથી ખબર પડી 

બંગાળમાં પહેલા તબક્કાના મતદાન બાદ અમિત શાહે 26 બેઠકોની જીતનો દાવો કર્યો છે. તો મમતા બેનરજીએ અમિત શાહના આ દાવાની મજાક ઉડાવતા જણાવ્યું કે શું અમિત શાહ ઈવીએમમાં જઈને આવ્યાં છે કે તેમને આટલી બેઠકો જીતવાની ખબર પડી. 

અમિત શાહનું નામ લીધા વગર મમતા બેનરજીએ જણાવ્યું કે એક નેતાએ કહ્યું છે કે ભાજપ 30 માંથી 26 બેઠકો જીતશે. મમતાએ કટાક્ષ કર્યો કે તેમણે 30 નો દાવો કેમ ન કર્યો ? પરિણામ આવ્યા વગર અમિત શાહ આટલી બેઠક જીતનો દાવો કેવી રીતે કરી શકે. મમતાએ આગળ કહ્યું કે શું અમિત શાહ ઈવીએમમાં જઈને જોઈ આવ્યાં છે. 

અમે કોઈ આગાહી કરવા માગતા નથી તેવું કહેતા મમતાએ જણાવ્યું કે જનતાનો ચુકાદો મતગણતરી બાદ સ્પસ્ટ બનશે. 84 ટકા મતદાન થયું હોવાથી મારુ અનુમાન છે કે લોકોએ અમને વોટ આપ્યાં છે. બેનરજીએ કહ્યું કે બંગાળમાં જીત ટીએમસીની જ થશે. બંગાળમાં બહારના લોકો શાસન ન કરી શકે. 

200 બેઠકો સાથે બંગાળમાં સરકાર બનાવીશું : શાહ 

અમિત શાહે કહ્યું કે બંગાળ અને અસમમાં પહેલા ચરણમાં ભારે સંખ્યામાં લોકો મતદાન કર્યું છે. તે માટે હું મતદાતાઓનો આભાર માનું છું. મોટા પ્રમાણમાં મતદાન ભાજપ માટે શુભ સંકેત છે. મને આશા છે કે 30માંથી 26 બેઠકો પર ભાજપ જીત હાંસલ કરી છે. મને વિશ્વાસ છે કે 200થી વધારે બેઠકો પર ભાજપ પશ્ચિમ બંગાળમાં સરકાર બનાવશે. અસમમાં 47માંથી 37 બેઠકો ભાજપ જ જીતશે.