ટેલિવૂડ / એક મહિનાથી ઘરે બેઠો છે તારક મહેતા...નો આ દિગ્ગજ કલાકાર, શું હવે ફરી શોમાં નહીં જોવા મળે?

• તારક મહેતા પર સંકટના વાદળો
• શોના એક્ટર્સની સ્થિતિ ખરાબ
• આ એક્ટરને એક મહિનાથી શોમાં બોલાવવામાં નથી આવી રહ્યાં

કોરોનાકાળમાં ભલભલાની હાલત ખરાબ થઈ ગઈ છે. એકવાર ફરીથી એન્ટરટેન્મેન્ટ ઈન્ડસ્ટ્રી પર ભારે સંકટ આવી ગયું છે. અનેક ફિલ્મો અને ટીવી સીરિયલ્સનું શુટિંગ અટકાવવામાં આવ્યું છે. કેટલાક કલાકારો એવા છે કે જેમને ઘરે બેસવું પડી રહ્યું છે. થોડાં સમય પહેલાં જ દિલીપ કુમારના રિલેટિવ અને અભિનેતા ઐયુબ ખાને પોતાની પીડા વ્યક્ત કરી હતી અને જણાવ્યું હતું કે કેવી રીતે તેને એક વર્ષથી કામ નથી મળ્યું અને મદદ માંગવાની સ્થિતિ ઊભી થઈ છે. જ્યારે હવે તારક મહેતા કા ઉલ્ટા ચશ્માના એક કલાકારને પણ આવી સ્થિતિનો સામનો કરવો પડી રહ્યો છે. 

 

 

 

 

View this post on Instagram

 

 

 

 

 

 

 

 

 

 

 

A post shared by babuchak (@jethiya105)

તારક મહેતા કા ઉલ્ટા ચશ્મામાં નટ્ટુ કાકાનું પાત્ર ભજવતા અભિનેતા ઘનશ્યામ નાયક માટે પણ સ્થિતિ ખરાબ બની છે. છેલ્લાં એક મહિનાથી તેઓ ઘરે છે અને શૂટિંગ માટે તેમનો નંબર આવ્યો નથી. તેઓ રાહ જોઈ રહ્યાં છે કે તેમને તારક મહેતાની શૂટિંગ માટે ક્યારે બોલાવશે. 

અભિનેતાએ હાલની સ્થિતિ અંગે એક ઈન્ટરવ્યૂમાં વાતચીત કરતા કહ્યું કે મને ઘરે બેઠા એક મહિનો થઈ ગયો છે. શૂટિંગ ફરી ક્યારે શરૂ થશે અને મને ક્યારે બોલાવશે તે અંગે મને કોઈ ક્લેરિટી નથી. હાલ તો શૂટિંગ અટકાવવામાં આવી છે. મેકર્સે શૂટિંગ પ્લેસ બદલવા માટે પણ કઈ કર્યું નથી. મેં માર્ચ મહિનામાં એક એપિસોડ માટે શૂટ કર્યું હતું અને ત્યારબાદથી હું ઘરે છું. મને આશા છે કે મેકર્સ મારા ટ્રેકને પણ જલ્દી શરૂ કરશે. આગળના એપિસોડામાં તમને જોવા મળશે કે કેવી રીતે નટ્ટુ કાકા પોતાના ગામથી મુંબઈ પાછા ફરે છે. તમને જણાવી દઈએ કે જેઠાલાલ સાથે નટ્ટુ કાકાની મજાક મસ્તી દર્શકોને ખુબ ગમે છે. 

સીનિયર એક્ટર્સની પરેશાની

નટ્ટુ કાકાની ભૂમિકા ભજવતા અભિનેતા ઘનશ્યામ નાયકની હવે ઉંમર થઈ ગઈ છે. તેમણે કહ્યું કે હાલનો સમય ખૂબ જ મુશ્કેલ છે. હું મારા ઘરમાં જ છું અને મારો પરિવાર પણ એ વાત પર ભાર મૂકે છે કે હું ઘરની બહાર ન નીકળું. હું ક્યાંય જતો નથી. પરંતુ સેટ પર વાપસી કરવા અને ફરીથી કામ કરવા માટે બેતાબ છું. ક્યાં સુધી મારે કામથી દૂર આ રીતે આઈસોલેશનમાં રહેવું પડશે. વાયરસના કારણે મારા માટે એ મુશ્કેલ બની ગયું છે. હું સિનિયર એકટર્સના સેફ્ટી પ્રોટોકોલ્સ સમજી શકું છું પરંતુ મારું મગજ અને શરીર બંને કામ કરવા માંગે છે. તમને જણાવી દઈએ કે, થોડા સમય પહેલાં જ શોમાં ગોલીની ભૂમિકા ભજવતા ચાઈલ્ડ એક્ટર કુશ શાહ સહિત કેટલાક કલાકારો કોરોના પોઝિટિવ આવ્યા હતા. ત્યારે હવે જોવાનું એ રહ્યું કે, નટ્ટુ કાકા ફરી શોમાં જોવા મળશે કે નહીં અને ક્યારે જોવા મળશે.